Almaty oblysyndaǵy «Altynemel» ulttyq parkinde sibir taý eshkisi fototuzaqqa túsip qaldy, dep habarlaıdy Egemen.kz.
Onyń vıdeosy «Altynemel» ulttyq saıabaǵynyń Instagram-daǵy paraqshasynda jarııalandy.
Sibir taý eshkisi ejelden tabıǵı parktiń Sholaq, Degeres jáne Mataı taýlaryn mekendeıdi. 2021 jyly onyń sany 2800 bastan asty.
«Fototuzaqqa sibir taý eshkisiniń tekesi túsip qaldy. Vıdeodan onyń semser tárizdi 1 metrdeı múıizin kórýge bolady», delingen áleýmettik jelidegi paraqshada.
Eske sala keteıik, buǵan deıin «Altynemel» ulttyq parkiniń fototuzaǵyna Qazaqstannyń Qyzyl kitabyna engen Tıan-Shan qońyr aıýy túsken bolatyn.