Elektrondy saýdanyń damýy qarqyndy

Jaqynda PwC Kazakhstan kompanııasy men Sıfrly Qazaqstan qaýym­dastyǵy birlesip, arnaıy zertteý jarııa etti. Oǵan birqatar otandyq jáne halyq­aralyq kompanııa qatysqan.

«2021 jyly tutynýshylar rasıonaldy bola tústi. Olar az aqsha jumsap, kóp jınaýǵa kóshti. Qazir bári úıde otyryp jumys isteýge, úıde otyryp taýar satyp alýǵa ábden mashyqtandy. Solaı isteý ońaı, arzan ári qolaıly. Naryqtaǵy oıynshylardyń belsendi damı bastaýy, tutynýshylardyń da onlaın satyp alýǵa daıyn bola túskeni, elektrondy kommersııa naryǵyna memlekettiń de nazar aýdaryp, qoldaý kórsetýi – saladaǵy básekelestikke dem berdi jáne sheteldik oıynshylardy Qazaqstanǵa qaraı tartyp jatyr. Osy faktorlardyń barlyǵy jıyla kele ekonomıkaǵa jáne eldiń ınvestısııalyq áleýetine oń áser etedi», deıdi Eýrazııa óńirindegi kon­sýltasııalyq praktıka lıderi Natalıa Lım.

2021 jyly ortasha toqsandyq satylym kóleminiń ósimi 20 paıyzdy quraǵan. Jasalǵan tranzaksııalar sany 37 mln birlikke jetti. Bul 2020 jylmen salystyrǵanda 45 paıyzǵa joǵary. Ortasha chek somasy – 28 myń teńge. Bul da al­dyńǵy jyldaǵydan 20 paıyzǵa kóp.

Kaspi kompanııasynyń habarlaýynsha, Qazaqstanda shaǵyn bıznes ókilderi satylymdy marketpleıster arqyly júzege asyrýǵa erekshe yntaly bolyp tur.

«Bul olarǵa saýdasyn dóńgeletýdiń tamasha quraly. Kaspi.kz-tegi satýshylar sany bir jylda 5 ese kóbeıdi. Tutyný­shylar kóbine kúndelikti tirshilikke qajetti taýarlardy kóptep satyp ala bastady, bul – tamaq ónimderi, sharýa­shylyq taýarlary. Mundaı ónimderge degen suranys jyldamdyqty jáne jet­kizýge degen qolaılylyqty talap etedi. Bıyl biz 3 saǵat ishinde aparylatyn ekspress jetkizýdi jáne taýardy kez ke­lgen ýaqytta alyp ketýge yńǵaıly Kaspi Postomat qurylǵylar jelisin iske qostyq», deıdi.

Halyk Market ókilderi Qazaqstan elektrondy kommersııanyń damýyna jaǵdaı jasaı alyp otyr dep esep­teıdi. Olardyń aıtýynsha, ınternet qoljetimdiligi jáne ıdentıfıkasııa prosesteriniń sıfrlanýy barlyq qaty­sýshynyń qaýipsizdigin qamtamasyz etip, qolaıly ınvestısııalyq klımat qalyptastyryp otyr.

Sarapshylardyń aıtýynsha, elek­tron­dy kommersııanyń qazirgi deń­geıge jetýine pandemııa erekshe áser etti. Halyq talabyna saı bolý úshin marketpleısterdiń mobıldi qosym­shalar men onlaın-dúkender úzdiksiz damýdy jalǵastyrýda. Olar burynǵydan da yńǵaıly bola tústi jáne taýarlar sanatyn kóbeıtti.

Qazaqstanda jumys isteı bastaǵan Ozon Marketplace alańyndaǵy onlaın tapsyrys berý sany artyp keledi. О́sim dınamıkasy óte joǵary. Mysaly, 2022 jyldyń qańtarynda bizdiń alańqaı­da­ǵy elektronıka satylymynyń kólemi 2021 jyldyń qańtarymen salystyrǵanda 5 ese artty. Kıim – 7 ese, sharýashylyq taýarlarynyń satylýy 8 ese ósti. Mun­daı ósimdi baıqaǵan kóptegen she­teldik marketpleıs Qazaqstan na­ry­­ǵyna kele bastady. 2021 jyl qor­tyn­­dysy boıynsha jalpy bólshek saý­da­­daǵy e-commerce úlesi 11 paıyzdy qurady. О́zge elderde, mysaly Qytaı, Ulybrıtanııada onlaın-saýdanyń úlesi 30 paıyzǵa jetedi, keıde tipti odan da kóp. Qazaqstandaǵy naryq áli damý kezeńinde tur, qazir óz salańyzdy tabý úshin tamasha ýaqyt.

Sarapshylar Qazaqstan naryǵynyń perspektıvasy joǵary dep baǵalaıdy. Elektrondy kommersııada qolma-qol aqshasyz esep aıyrysý aınalymy jyl saıyn ósip keledi. Sondyqtan jańa alańdardyń paıda bolýy, onlaın-ar­nalardaǵy shaǵyn bıznestiń ósýi jáne artyp kele jatqan suranysty qa­naǵat­tandyrýǵa umtylatyn logıs­­tıkalyq kompanııalardyń kóbeıýi – zań­dy qubylys.

«Bıyl biz Qazaqstandaǵy iri tehno­logııalyq-logıstıkalyq platforma Kaspi Smart Logistics-ti damytýdy jalǵastyrdyq. Platformamyzǵa qazirdiń ózinde 30-dan astam logıstıkalyq kompanııa qosylyp úlgerdi. Logıstıkalyq jeli Qazaqstannyń barlyq qalasyn qamtıdy jáne 6 myń baǵyt boıynsha qyzmet kórsetýge daıyn. Osy joly Kaspi Pay qosymshasy bazasynda birinshi kezekte shaǵyn bıznes ókilderi úshin servısti odan ári jaqsarta tússek deımiz», deıdi Kaspi.kz.

Al Halyk Market bıyl alys aýdan­darǵa taýar jetkizýdi, tapsyrys berý beketterin ashýdy jáne qala turǵyndary arasynda e-commerce tanymaldylyǵyn arttyrýdy qolǵa almaq.