Qıyndyqtarǵa qaramastan Eýrazııalyq ekonomıkalyq odaqtyń bolashaǵy bar. Bul týraly Peterbýrg halyqaralyq ekonomıkalyq forýmynyń plenarlyq otyrysynda Qazaqstan Prezıdenti Qasym-Jomart Toqaev málim etti, dep habarlaıdy Egemen.kz.
Qazaqstan óziniń saýda-ekonomıkalyq strategııasynda sanksııalardy eskeredi - Prezıdent
«Qazaqstanǵa qatysty aıtatyn bolsam, bizdiń elge tikeleı qysym jasalyp jatyr dep aıtpas edim», - dedi Qasym-Jomart Toqaev.
Osy oraıda Prezıdent sanksııalar kelissózben sheshiletinin atap ótti.
«Árıne, bizdiń saýda-ekonomıkalyq strategııamyzda bul sanksııalardy eskeremiz. Alaıda Reseımen aradaǵy bizdiń burynǵy sharttarmen baılanysty Qazaqstannyń mindettemeleri bar. Oǵan qosa, tarıhty aıtpaǵannyń ózinde, geografııamyz bizge óte erekshe jaǵdaıda birge jumys isteýmiz qajettigin meńzep otyr», dedi Memleket basshysy.
Prezıdent eki el arasynda jańa jaǵdaıda ónerkásip kooperasııasynyń arnaıy baǵdarlamasy bar ekenin eske saldy.
«Atap aıtqanda, qıyndyqtarǵa qaramastan Eýrazııalyq ekonomıkalyq odaqtyń bolashaǵy bar. Osy odaqqa kirýdi durys sanaǵan elder eleýli ekonomıkalyq kúsh pen áleýetti qurap otyr», dedi Qasym-Jomart Toqaev.
Degenmen Prezıdent naqty qıyndyqtar áli de bar ekenin atap ótti. Sondyqtan ózara qolaıly sheshimderdi izdestirýdegi kelissózder prosesinde tıisti máselelerdi sheshýge erekshe ekpin qoıylady.