Keshe «Qazatomónerkásip» Mańǵystaý atom energetıkalyq kombınatynda qubyr jelisinde jarylys boldy, dep jazady Egemen.kz kásiporynnyń baspasóz qyzmetine silteme jasap.
Shamamen 10 metr bıiktikte sý sýburqaqsha shashyrady. Oqıǵany jergilikti turǵyndar vıdeoǵa túsirip, áleýmettik jelige júktedi.
Kásiporynnyń habarlaýynsha, «MAEK-Qazatomónerkásip» JShS JEO-3 sol jaq teńiz sý qubyrynda qaraý lıýginiń razgermetızasııasy júrgizildi.
«Birinshi teńiz sý qubyry boıynsha sý berý toqtatyldy. Biraq ekinshi sý qubyry sol qalpy jumys isteıdi. Qazir jóndeý jumystary júrgizilip jatyr. Kásiporyn tarapynan aýyz sý men elektr energııasyn óndirýge eshqandaı shekteýler joq», delingen habarlamada.