Jambyl oblysyndaǵy jol jóndeý jumystaryna baılanysty «Saryózek – Kóktal» respýblıkalyq mańyzy bar avtojol ýchaskesi barlyq kólikter úshin ýaqytsha jabyldy, dep habarlaıdy Egemen.kz.
«20 maýsym saǵat 11:30-dan bastap jarylys jumystaryna baılanysty «Saryózek – Kóktal» respýblıkalyq mańyzy bar avtojol ýchaskesinde (45-86 shaqyrym) avtokóliktiń barlyq túrleri úshin qozǵalys jabyq», delingen oblystyq Tótenshe jaǵdaılar departamenti taratqan habarlamada.
Osyǵan baılanysty Almaty oblystyq Tótenshe jaǵdaılar departamenti kólik júrgizýshilerinen atalǵan baǵytta jol júrýden bas tartýdy jáne óz baǵytyn aldyn ala túzetýdi, sondaı-aq 112 qyzmeti beretin SMS habarlamalardy nazardan tys qaldyrmaýdy suraıdy.