Shyryn baǵasy sharyqtap barady

Osy jyldyń qańtar-sáýir aralyǵynda elimizde 18,7 mln lıtr jemis jáne kókónis shyryny óndirilgen. Kórsetkish ótken jylmen salystyrǵanda 2,1 paıyzǵa az.

Mundaı sýsyndardyń basym bóligi Almaty oblysynda óndirilgen – 10 mln lıtr (+32,6 paıyz). Kóshbasshy óńirlerdiń úshtigine Nur-Sultan qalasy (4,6 mln lıtr, – 27,1 paıyz) jáne Qostanaı oblysy (2 mln lıtr, +17,9 paıyz) enip otyr. Jalpy, byltyr Qazaqstandaǵy jemis jáne kókónis shyryndarynyń óndirisi 66,6 mln lıtrdi qurady. Kórsetkish 13,1 paıyzǵa ósken.

Tarqata aıtsaq, qańtar-sáýirde jemis shyrynyn ón­dirý 17,4 mln lıtrge jetken. Kórsetkish bir jyl burynǵy jaǵ­daımen salystyrǵanda 3,1 paıyzǵa tómen. О́ndirilgen kókó­nis shyryny – 1,3 mln lıtr. Byltyrǵa qaraǵanda 14 paıyz­dyq ósim bar.

Jemis shyryndarynyń ishin­­de óndiristiń kóp bóligi apel­­sın (6,4 mln lıtr) jáne alma shy­rynyna (4,9 mln lıtr) tıesili. Sondaı-aq 4,6 mln lıtr jemis shyryndarynyń qospa­sy, 505,4 myń lıtr ananas shy­ry­ny óndirilgen.

Kókónis shyryn­da­rynyń ishin­de qyzanaq shyry­nyn óndirý 1,26 mln lıtrge jet­ken. Bul ót­ken jylmen salys­tyrǵanda 14,8 paıyzǵa joǵary.

Osy jyldyń birinshi toqsa­nynyń qorytyndysy boıynsha jergilikti kompanııalar bir jyl burynǵy (51,2 paıyz) deń­geımen salystyrǵanda jemis jáne kókónis shyryndaryna degen suranystyń (ishki naryqty qamtý jáne eksport) 58,3 pa­ıyzyn qamtamasyz etti. Import kólemi 41,7 paıyzdy qurady. Bul degenimiz – 13,1 myń tonna. Kórsetkish bir jylda 5,6 paıyzǵa qysqarǵan.

Nátıjesinde, ishki naryqta 30,7 myń tonna jemis jáne kó­kónis shyryndary satyldy. Bul ótken jylmen salystyrǵanda 9 paıyzǵa artyq.

Mamyr aıynyń qorytyn­dy­sy boıynsha eldegi kókónis jáne jemis shyryndarynyń baǵasy bir jylda 16,6 paıyzǵa óskeni anyqtaldy. Onyń ishinde jemis shyryndary 16,5 paıyzǵa, kó­kónis shyryndary 19,2 pa­ıyz­ǵa qymbattady. Ásirese, ba­ǵa Túrkistan oblysynda 25 paıyz­ǵa ósken. Baǵany quryqtaı al­maǵandardyń qatarynda Almaty jáne Soltústik Qazaqstan ob­lys­tary da bar. Baǵanyń eń tó­mengi ósimi Batys Qazaqstan oblysynda tirkelgen – 5,1 paıyz.

Jemis shyryndary Túrkis­tan oblysynda (24,9 paıyz), al kókónis shyǵyndary Atyraý oblysynda (33,5 paıyz) qatty qymbattaǵan.