«Qazaqstan Respýblıkasy - Eýropalyq Odaq» Yntymaqtastyq keńesiniń 19-shy otyrysyna qatysý sheńberinde QR Premer-Mınıstriniń orynbasary – Syrtqy ister mınıstri Muhtar Tileýberdi Lıýksembýrgtiń Syrtqy jáne eýropalyq ister mınıstri Jan Asselborn jáne Fransııanyń Eýropa jáne syrtqy ister mınıstri Katrın Kolonnamen bólek kelissózder júrgizdi, dep habarlaıdy Egemen.kz.
Qazaqstan men Lıýksembýrg SIM basshylary ekijaqty jáne kópjaqty, onyń ishinde QR-EO, EO-Ortalyq Azııa formatyndaǵy yntymaqtastyqtyń perspektıvalaryn talqylady. Taraptar yntymaqtastyqtyń barlyq ózekti máseleleri men halyqaralyq kún tártibindegi máselelerge toqtaldy. Sondaı-aq úkimetaralyq jáne parlamentaralyq baılanystardy odan ári damytýǵa járdemdesý týraly ýaǵdalasty.QR Konstıtýsııasyna ózgerister engizý boıynsha ótken jalpyulttyq referendýmǵa erekshe kóńil bólindi. Lıýksembýrg tarapy Qazaqstan Prezıdentiniń reformalaryna qoldaý bildirip, olardyń ımplementasııasy elimizdiń saıası jańǵyrýyna yqpal etetinin atap ótti.Eki eldiń syrtqy saıası vedomstvolarynyń basshylary Qazaqstan men Lıýksembýrg arasynda dıplomatııalyq qarym-qatynastardyń 30 jyldyǵyna baılanysty birlesken kommıýnıke qabyldaý týraly ýaǵdalasty.Kezdesý Lıýksembýrg Ulttyq kúni qarsańynda ótti. Osyǵan oraı, QR SIM basshysy Qazaqstan Prezıdenti Qasym-Jomart Toqaevtyń Lıýksembýrg Uly gersogi Anrıge joldaǵan quttyqtaýyn jetkizdi.Fransııanyń syrtqy saıası vedomstvosynyń basshysy Katrın Kolonnamen kezdesý barysynda ózara qyzyǵýshylyq týdyratyn keń aýqymdy máseleler boıynsha Parıjben strategııalyq áriptestikti tereńdetý jónindegi odan arǵy qadamdar talqylandy.Mınıstr M.Tileýberdi fransýz áriptesin bıylǵy Eýropalyq odaqtaǵy tóraǵalyǵynyń tabysty aıaqtalýymen quttyqtap, Qazaqstannyń Keńeıtilgen áriptestik pen yntymaqtastyq týraly kelisimde, sondaı-aq EO-nyń Ortalyq Azııaǵa arnalǵan strategııasynda belgilengen barlyq salalarda yntymaqty arttyrýdy jalǵastyrýǵa degen nıetin atap ótti. Fransııa Qazaqstannyń negizgi seriktesteriniń biri jáne elimizdiń Eýroodaqpen ózara is-qımylynyń dánekeri.Taraptar joǵary jáne asa joǵary deńgeıdegi aldaǵy is-sharalar kestesin qarap, syrtqy saıası vedomstvolar arasyndaǵy turaqty baılanysty jalǵastyrýǵa kelisti.
Saýda-ekonomıkalyq jáne ınvestısııalyq yntymaqtastyqty, atap aıtqanda energetıka, aýyl sharýashylyǵy, kólik jáne ınfraqurylym, sıfrlyq tehnologııalar sııaqty salalardy damytýǵa erekshe nazar aýdaryldy.Qazaqstandyq tarap bilim, densaýlyq saqtaý, ǵylym jáne mádenıet salasyndaǵy ekijaqty baılanystardy nyǵaıtýǵa qyzyǵýshylyq bildirdi.Sondaı-aq mınıstrler 17 maýsymda Parıjde ótken qazaqstan-fransýz saıası konsýltasııalarynyń 9-shy raýndynyń tabysty ótkenin quptady.