Energyprom.kz málimetine qaraǵanda, bir jyl ishinde Qazaqstanda aıaqkıim baǵasy 10%-ǵa qymbattaǵan, dep habarlaıdy Egemen.kz.
2022 jyldyń qańtar-mamyr aılarynda Qazaqstanda 546 myń jup aıaqkıim shyǵarylǵan. Bul byltyrǵy kórsetkishten 13,3% az.
О́ńirler bólinisinde bul kórsetkish boıynsha Almaty qalasy alda tur - 253,3 myń jup aıaqkıim óndirilgen. Odan keıin Jambyl (73,4 myń jup) jáne Almaty (57,9 myń jup) oblystary tur.
«2022 jyldyń birinshi toqsanynda otandyq óndirýshiler halyq suranysynyń tek 4,2%-yn ǵana qanaǵattandyrǵan. Iаǵnı, búkil naryq ımportqa táýeldi deýge bolady. Qańtar-naýryz aralyǵynda elge syrttan 6,9 mln jup aıaqkıim ákelingen. Bir qýantarlyǵy, bul kórsetkish 2021 jylǵydan 2,6 ese az», delingen aqparatta.
2022 jyldyń mamyr aıyndaǵy qorytyndysy boıynsha, aıaqkıim baǵasy 9,7%-ǵa ósken.
О́ńirlerdegi qymbattaý deńgeıi ártúrli. Qostanaı oblysynda 4,9% bolsa, Mańǵystaý oblysynda 19,5% ósken. Bir jyl ishinde balalar aıaqkıimi 14,2%-ǵa, áıelder aıaqkıimi 8,8%-ǵa, erler aıaqkıimi 7,9%-ǵa qymbattady.