Qazaqstannyń aq qant pen shıki qanttyń bajsyz ımportyna arnalǵan kvotany 2022 jylǵy 31 qazanǵa deıin uzartý týraly usynysy maquldandy, dep habarlaıdy Egemen.kz Saýda jáne ıntegrasııa mınıstrliginiń baspasóz qyzmetine silteme jasap.
Bul másele Premer-Mınıstrdiń orynbasary – Saýda jáne ıntegrasııa mınıstri Baqyt Sultanovtyń qatysýymen Eýrazııalyq ekonomıkalyq komıssııa Keńesiniń kezekten tys otyrysynda qaraldy.
«Bul shara ishki naryqqa ımporttalatyn qantty jetkizý qunyn tómendetýge múmkindik beredi. Qazir biz birqatar elmen qanttyń úlken kólemin jetkizý týraly kelisim sózder júrgizip jatyrmyz. Al qarashaǵa qaraı qazaqstandyq zaýyttardan da, EAEO elderinen de jańa daqylǵa qyzylsha qantyn jetkizý bastalady», dep túsindirdi B.Sultanov.
Sonymen qatar Qazaqstan aq qant pen shıki qanttyń bajsyz ımportyna kvota kólemin ulǵaıtý týraly kelissózder júrgizýde.
Qazirgi ýaqytta Qazaqstannyń kvotasy 2022 jylǵy tamyzǵa deıin nóldik ımporttyq keden bajymen 350 myń tonna aq qant pen shıki qurǵaq qantyn quraıdy.