2022 jyldyń 1 shildesinen bastap QR Ishki ister mınıstrligi organdary júıesiniń azamattyq qyzmetshilerine, memlekettik bıýdjet qarajaty esebinen ustalatyn uıymdarynyń qyzmetkerlerine, qazynalyq kásiporyndarynyń jumyskerlerine eńbek jaǵdaılary úshin qosymsha aqy tólene bastaıdy, dep habarlaıdy Egemen.kz.
Qosymsha aqy tóleý «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» QR Úkimetiniń 2015 jylǵy 31 jeltoqsandaǵy № 1193 qaýlysyna ózgerister engizý týraly QR Úkimetiniń 2022 jylǵy 13 maýsymdaǵy № 389 Qaýlysynda kózdelgen.
Qujat 2022 jylǵy 1 shildeden bastap qoldanysqa engiziledi.
Atalǵan qaýlyǵa sáıkes, qylmystyq-atqarý júıesiniń mekemelerinde (onyń ishinde balalar úılerinde), tergeý ızolıatorlarynda, ýaqytsha ustaý ızolıatorlarynda, aýrýhanalarda ustalatyn adamdardy emdegeni úshin medısına qyzmetkerlerine tóleý kózdelgen.