Premer-Mınıstr Álıhan Smaıylov resmı ókilder habardy jańa formatpen taratý kerek ekenin aıtty, dep habarlaıdy Egemen.kz.
«Buqaralyq aqparat quraldaryna anyqtamalyq materıaldardy ýaqytyly usyný kerek. Tek sonda ǵana qoǵam qarapaıym halyqqa arnalǵan ıgi isterdiń qalaı jasalyp jatqanyn kóre alady. Memlekettik organdardyń resmı ókilderi, baspasóz hatshylary resmı habarlardy berýdiń jańa formatyna kóshý kerek dep sanaımyn. Kásibı, qurǵaq tilde jazylǵan press relızderdi taratýmen ǵana shektelip qalýǵa bolmaıdy», dedi Álıhan Smaıylov búgingi Úkimet otyrysy barysynda.
Úkimet basshysy brıfıngter men saıttardan basqa memlekettik organnyń qyzmetin áleýmettik jelilerde belsendi jarııalap, halyqtyń suraqtaryna turaqty túrde jaýap berý qajettigin qadap aıtty.
«Aqparat jáne qoǵamdyq damý mınıstrligi osy baǵytta barlyq memlekettik organdardyń jumysyn úılestirip, oǵan turaqty monıtorıng júrgizip otyrýy jáne qoldaý kórsetý tıis», dedi Premer-Mınıstr.
Bul rette atalǵan jumystardy úılestir Eraly Toǵjanovqa júkteldi.