Premer-Mınıstrdiń orynbasary, Qarjy mınıstri Erulan Jamaýbaev qansha jalaqy alatynyn aıtty, dep habarlaıdy Egemen.kz.
«Jalaqymdy Qarjy mınıstrliginen alamyn jáne vıse-premer retinde qosymsha aqy tólenedi. Shamamen jalpy jalaqym 1,5 mln teńgeni quraıdy. Al mınıstr retinde-shamamen 1,3 mln teńge», dep jaýap berdi Erulan Jamaýbaev jýrnalısterdiń suraǵyna.
Sondaı-aq mınıstr sheneýnikterdiń deklarasııalaryn jarııalaý týraly suraqqa da jaýap berdi.
«Bul másele de jalpy talqylanyp jatyr. Biz memlekettik qyzmetshilermiz, bizdiń jalaqymyzdy jaqsy bilesizder. Jyl saıyn deklarasııany kim tapsyrady – árıne, memlekettik qyzmetshiler. Biz jalpyǵa birdeı deklarasııalaý jolymen kele jatyrmyz jáne 2025 jylǵa qaraı respýblıkamyzdyń barlyq azamaty ózderiniń jyl saıynǵy deklarasııalaryn jarııalaıtyn, tapsyratyn kezge kelemiz. Sonda barlyǵy belgili bolady. Men de óz deklarasııamdy usynýǵa daıynmyn», dep qosty Erulan Jamaýbaev.