Petropavlda jarylǵysh zat týraly jalǵan habarlama taratqan er adam bir jylǵa bas bostandyǵynan aıyryldy, dep habarlaıdy Egemen.kz.
Soltústik Qazaqstan oblysy polısııa departamenti baspasóz qyzmeti habarlaǵandaı, oqıǵa 14 aqpanda Petropavl qalasynda bolǵan. Mas kúıdegi er adam «102» arnasyna telefon shalyp, Zavodskaıa kóshesindegi úıdiń podezinde jarylǵysh zat qoıylǵany týraly aıtqan.
Oqıǵa ornyna patrýldik polısııa batalonynyń qyzmetkerleri, jarǵysh tehnıkter men basqa da shuǵyl qyzmetterdiń ókilderi kelip jetti. Tártip saqshylary úıdiń janynda mas kúıde júrgen er adamdy ustady. Tekserý barysynda jarylǵysh zat tabylǵan joq.
Bul fakti boıynsha QR Qylmystyq kodeksiniń «Terrorızm aktisi týraly kórineý jalǵan habarlaý» 273-babymen sotqa deıingi tergeý bastaldy.
Petropavl qalalyq soty er adamdy bir jyl merzimge bas bostandyǵynan aıyrý túrindegi jaza taǵaıyndaýǵa úkim shyǵardy.
«Er adamnyń zańsyz áreketi qalalyqtardyń tynyshyn alyp, demalysynyń shyrqyn buzdy. Osyndaı oqıǵalar menshik ıelerine materıaldyq shyǵyn keltire otyryp, arnaıy qyzmetterdiń jumysyna jıi kedergi jasaıdy, adamdardyń mazasyn alady, ǵımarattardy tekserý úshin turǵyndardy evakýasııalaýǵa týra keledi. «Telefon terrorızmi» úshin QR QK 273-babynyń sanksııasyna sáıkes iri kólemdegi aıyppul men 5 jylǵa deıingi merzimge bas bostandyǵynan aıyrý jazasy kózdelgenin esten shyǵarmaǵan jón», dedi SQO PD Ekstremızmge qarsy is-qımyl basqarmasynyń bastyǵy Rýslan Jarasbaev.