Batyrmurzaevtyń baǵy jandy

Dańqty Dáýlet Shabanbaı úlken sporttan qol úzgennen keıin asa aýyr salmaqtyń tizginin Oleg Boltın óz qolyna alǵan edi. El­ishilik jarystarda qarsylas shydatpaı, halyqaralyq arenada da eleýli tabystarǵa qol jetkizdi. Shamamen sol kezderi Daǵystannan Qazaqstanǵa Iýsýp Batyrmurzaev esimdi balýa­n qonys aýdardy. Qap taýy bók­terinde týyp-ósken noǵaı jigiti de birden jaqsy nátıjeler kórsete bastady. Osylaısha, jo­ǵaryda esimderi atalǵan qos sportshy arasynda ymyrasyz báseke órbidi. Halyqaralyq dodalarda ekeýi de táýir kúresti. 2020 jyly Iýsýp Nıý-Delıde Azııa chempıony atansa, Oleg 2021 jyly Almatyda dál sol ataqqa qol jetkizdi. Sol tusta ult­tyq qurama bapkerleriniń «To­kıo Olımpıadasyna qaısysyn apar­ǵanymyz jón?» degen saýalǵa biraz bas qatyrýyna týra keldi. So­dan olar reıtıngtik týrnırge Batyr­murzaevty qosty. Alma­tyda ol el senimin aqtap, altyn tu­ǵyr­ǵa kó­terildi. Nátıjesinde, Iýsýp Olım­pııa oıyndaryna at­tan­sa, Oleg elde qaldy.

Kelesi olımpııalyq sıklde óz múmkindigin qalt jibermeýge bekingen Boltın Qaraǵandyda baryn saldy. Shyǵys Qazaqstan ob­lysynyń ókili barlyq qarsy­lasyn sypyra utty. Fınalda ony Batyrmurzaev kútip turdy. Ekeýara tartys tek tiresýmen ótti. Alǵashqy upaıdy Oleg alsa, ekinshi kezeńde Aqtóbeden kelgen alyptyń asyǵy alshysynan tústi. Sóıtip, Iýsýp Batyrmurzaev óziniń myq­tylyǵyn dáleldep, kezekti ret el chempıony atandy.

Maıtalman mamandar 92 kılo salmaq dárejesindegi básekege de aıryqsha nazar aýdardy. Barlyq qarsylasyn qapy qaldyrǵan Ádilet Daýlynbaev pen Nurǵalı Nurǵaıypuly fınalda jolyqty. Bul kezdesýdiń favorıti Almaty qalasynyń ókili edi. Ádilettiń Azııa oıyndary men qurlyq chempıonatynyń júldegeri degen ataqtary bar. Nurǵalı Nur-Sultandaǵy álem chempıonatynda besinshi orynǵa taban tiregen. Báseke barysynda 3:1 esebimen utyp jatqan astanalyq balýa­n bozkilemniń syrtyna qulap, aıaǵyn aýyrtyp aldy. Sol kezde Daý­lyn­baev tarazy basyn teńes­tir­di. Desek te, jaraqaty janyna batsa da, jankeshtilik tanytqan Nur­ǵaıypuly jeńisti ataqty qar­­sylasynyń ýysynan julyp áketti.

О́zge salmaq dárejeleriniń fınaldyq saıystary da qyzyq­ty ótti. 65 kılo salmaqta qara­ǵandylyq Ádil Ospanov ozdy. Aqtyq saıysta ol almatylyq Áýez Seıitbaevtan aılasyn asyrdy.

70 kılo salmaqta atyraýlyq Syrbaz Talǵatqa teń keler eshkim tabylmady. Sheshýshi tusta Syrbaz jergilikti balýan Ǵalymjan Iba­dýl­ladan basym tústi. 86 kılo sal­maqtyń bas júldesi úshin aq­tóbelik Abylaıhan Nursul­tanov pen oraldyq Nurjat Isaǵa­lıev beldesti. Bul tartys alǵash­qy­sy­nyń paıdasyna sheshildi.