Medısına mamandaryna dáris oqydy

Saraptamalyq synyptaǵy ÝDZ-appa­rat­tarymen qamtamasyz etý jáne dárigerlerdi týa bitken defor­masııa anomalııalary men hromo­somalyq buzýshylyqtardy qursaq ishindegi anyqtaý boıynsha oqytý – Densaýlyq saqtaý mı­­­nıstrligi úshin balalardyń mú­­gedektigin qysqartý týraly má­­­se­leni sheshýdegi basty basym­dyq­tardyń biri.

Kásiporynnyń Qazaqstanda­ǵy qo­ǵam­men baılanys jónin­degi úıles­ti­rýshisi Janar Qosh­panovanyń aıtýynsha, kardıo­mo­­nıtorlarmen bir­ge pre­na­tal­dyq skrınıngke arnal­ǵan ÝDZ-jab­dyqtary jáne arnaıy ázirlen­gen biliktilikti arttyrý baǵdarla­ma­sy dárigerler men bola­shaq ata-analarǵa áli dúnıege kelmegen sábıdiń densaýlyǵy tý­raly to­lyq aqparat alýǵa múm­kindik beredi.

«Biz prenataldyq dıagnos­tıka­daǵy dáldik pen ýaqtyly aýyr, dárigerlik túzetýge kelmeıtin ke­mis­tikteri bar balalardyń týýyn bol­dyrmaýǵa kómektesetinine jáne elimizdiń bolashaq urpaqtarynyń gene­tıkalyq densaýlyǵyn qalyp­tastyrýǵa eleýli úles qosatynyna senimdimiz», dedi J.Qoshpanova.

Densaýlyq saqtaý mınıstr­liginiń málimetinshe, 2022 jyldyń 1 qańtarynda Qazaqstanda túrli aýrýlar boıynsha 18 jasqa deıingi múgedek balalar sany 98 myńnan asty. Salystyrmaly túrde aıtsaq, 2010 jyly bul kórsetkish jarty esege az bolyp, 49 349 balany qu­rady. Biz jyl saıyn múgedek balalar sanynyń qarqyndy ósip kele jatqanyn baıqap otyr­myz. Bul rette eki negizgi sebep basym – bul týa bitken deformasııa anomalııalary jáne hromosomalyq buzylýlar, sondaı-aq júktilik pen bosaný aǵymynyń asqynýlary. Sondyqtan prenataldyq dıag­nostıkany jetildirý jáne damý kemistigi bar balalardyń týýyn boldyrmaý – Densaýlyq saqtaý mınıstrligi janyndaǵy Ana men bala densaýlyǵyn qorǵaý depar­tamentiniń basym baǵyty.

AYALA qory 15 jyldan beri Qazaqstanda bala ólimi men múge­dektikti azaıtý boıynsha jumys istep keledi. «Osy ýaqyt ishinde biz 1 100-den astam reanımasııalyq jab­dyq­tardy prenataldyq orta­lyq­tar men balalar aýrýhanalary­na berdik. Bıyl dárigerlerge qur­saq ishilik damýdyń túrli pa­to­­logııasyn dál jáne der ke­zinde anyqtaýǵa, sondaı-aq neona­tal­dyq oftalmologııalyq skrınıng júrgizýge kómektesetin dıag­nos­tıkalyq qural-jabdyqtardy satyp alýǵa kúsh salamyz. Densaý­lyq saqtaý mınıstrligi Ana men balany qorǵaý departamentiniń basshylyǵymen kezdesýde ortaq basymdyqtarymyzdyń tolyq sáı­kes keletinine kóz jetkizdik. Elimizdiń medısınalyq mekeme­lerin saraptamalyq synyptaǵy ÝDZ-apparattarmen qamtamasyz etý jáne ÝDZ-dárigerlerdi naqty prenataldyq dıagnostıkadan ótki­zý jónindegi bastamamyz «Shev­ron» kompanııasynyń qoldaýyna ıe bolǵanyna qýanyshtymyz. Biz osy qaýipti trendti birge ózger­tip, Qazaqstandaǵy sábılerdiń mú­ge­dektigin azaıta alamyz», dedi AYALA qoǵamdyq qorynyń prezı­denti Aıdan Súleımenova.

«Shevron» kompanııasynyń qar­jylaı qoldaýymen Nur-Sul­tan qalasyndaǵy Aqmola oblysynyń ­№2 kópsalaly aýrýhanasynda ­­­8 kardıomonıtormen jıyntyqtal­ǵan SAMSUNG óndirisiniń sarap­tamalyq synyptaǵy HERA W10 ap­paraty ornatyldy. Bul jo­bany turaqty damytý úshin AYALA qo­ry «Prenataldyq dıagnos­tı­ka­nyń tańdaýly máseleleri» ar­naıy kýrsyn ázirledi, odan quramdas­tyrylǵan formatta (onlaın jáne oflaın) Densaýlyq saqtaý mı­nıstrligi usynǵan Qazaqstannyń túkpir-túkpirinen 20 ÝDZ-dáriger oqýdan ótti. Onlaın oqytýǵa dá­ris­ter, onlaın sımýlıatordaǵy tap­syrmalar, úı tapsyrmalaryn oryn­daý jáne ony aıaqtaý kezinde mindetti qorytyndy testileý kirdi. Oflaın oqytý aýrýhananyń ózinde ÝDZ-apparattyń ornatylǵan bazasynda ótti. Tájirıbeli oqytýshy – joǵary sanatty praktık ÝDZ-dárigerimen birge qazaqstandyq aýrýhanalardyń dárigerleri júkti pasıentterdi ýltradybyspen tek­sere aldy, dıagnozdar qoıýǵa jáne qursaq ishindegi týa bitken de­formasııa anomalııalary men hro­mosomalyq buzylýlardy anyq­taýǵa tájirıbe jınaqtady. Barlyq dáriger biliktiligin arttyrý týraly sertıfıkat aldy, eń bastysy – balalardyń týa bitken jáne tuqym qýalaıtyn aýrýlarynyń aldyn alýǵa kómektesetin bilimge jáne praktıkalyq daǵdyǵa ıe bol­dy. Kompanııa 2010 jyldan bastap qazaqstandyq dárigerler­diń biliktiligin arttyrýǵa qoldaý kórse­tip keledi. Kompanııanyń qol­daýymen 1 myńnan astam dá­riger jańa týǵan nárestelerge kú­tim jasaýdyń jańa ádisterine tegin oqytyldy. Olardyń ishinde 647 dáriger «AYALA onlaın-akademııasy» platformasynyń 3 tegin kýrsynda oqýǵa tirkeldi. Qazirgi ýaqytta qazaqstandyq dárigerler men medbıkelerge arnalǵan taǵy 4 kýrs ázirlenýde.

Aıta ketetin bir jaıt, AYALA qaıyrymdylyq qory 2007 jyl­dyń mamyr aıynda qurylǵan. Qordyń mıssııasy – Qazaqstan­daǵy qaıyrymdylyq dástúri men mádenıetin tárbıeleý. 15 jyl ishinde qor elimizdiń 67 eldi me­ke­ninde 242 memlekettik bala­lar medısınalyq jáne bilim berý me­kemelerin qamtydy. Qor ju­my­­synyń negizgi baǵyttary – bala­lardyń densaýlyǵyn saqtaý, bilim berý jáne halyqtyń áleýmettik osal toptaryna kómek kórsetý sala­syndaǵy áleýmettik jáne qaıy­rym­dylyq jobalardy iske asy­rý. AYALA qorynyń barlyq jo­ba­larynyń negizgi maqsaty – bala­lardyń ómirin jaqsartatyn qoǵam­daǵy oń ózgerister. Qor nazar­dy qajet etetin problemalyq aımaq­tardy anyqtaıdy jáne oǵan kómek­tese alatyn demeýshilerdi tartady. Turaqty, ashyq jáne jarııa jumys isteıdi. Qor tartqan barlyq qarajat áleýmettik jáne qaıyrymdylyq jobalar men baǵ­darlamalardy iske asyrýǵa ǵana paı­dalanylady.