2023 jyly áıelder arasynda Aýstralııa men Jańa Zelandııada ótetin álem chempıonatynyń irikteý týrnıriniń kezekti týr kezdesýleri ótti.
Qazaqstan quramasy Baltyq jaǵalaýynda ornalasqan Pıarný qalasynda Estonııa quramasyna qarsy oınady. Jerlesterimiz alańǵa mynadaı quramda shyqty: Oksana Jeleznıak, Aleksandra Býrova, Áıgerim Aıtymova, Ekaterına Babshýk, Marııa Demıdova, Bıbigúl Nurysheva, Anastasııa Vlasova, Ásem Qarajanova, Áselhan Turlybekova, Fatıma Satyǵalıeva jáne Elena Bortnıkova. Básekeni bizdiń qyzdar óte jaqsy bastady. 37 mınýtta Turlybekova jáne 52 mınýtta Bortnıkova eki ret nysanany dál kózdegende kóńilimiz bir kóterilip qalǵan edi. Biraq bul qýanyshymyz uzaqqa sozylmady. Matchtyń sońǵy 30 mınýtynda estonııalyq fýtbolshylar qaqpamyzǵa topyrlatyp tórt gol saldy. Bul goldardyń avtorlary – Getter Saar (61,88 mınýttar), Kaırı Hımanen (71) jáne Lısette Tammık (90+5). Esep – 4:2
Osylaısha, elimizdiń áıelder quramasy resmı oıyndarda qatarynan 18 márte jeńilistiń kermek dámin tatty.