Jastarǵa janashyr joba

Bul joba «Adyrna» ulttyq-etnografııalyq birlestigi qo­ǵam­dyq qorynyń «Jastardy áleý­mettendirý jáne ońaltý» jobasy aıasynda uıymdastyrylyp otyr. Statıstıkalyq derekterge qaraǵanda, el jastarynyń 10 paıyzy ne bilim alyp, ne turaq­ty jumys istep jatqan joq. Demek bul oraıdaǵy má­sele shash etekten. Ásirese aýyl jas­tarynyń biraz bóligi eki qolǵa bir kúrek taba almaı, qań­tarylyp otyrǵandyǵyn esh­kim joqqa shyǵara almaı­dy. Qo­ǵamdyq qordyń pre­zıdenti Ar­man Áýbákirdiń aıtýyna qara­ǵanda, jastarǵa jana­shyrlyq jasaýǵa tıisti osy­ǵan uqsas joba tuńǵysh ret 2018 jyly Batys Qazaqstan ólke­sinde atqa­ry­lypty. Jaqsy is­terge uıytqy bolatyn, jalyn­dy jastardyń bo­ıyndaǵy qajyr-qaıratty ushtap, alǵa jeteleıtin tájirıbe osy kezde qalyptasqan.

Qoǵamdyq qor prezıdentiniń aıtýynsha, qor ár óńir­degi jastardy jumysqa orna­lastyrýǵa talpynýda. Ol úshin belgili bir isti bastap, sol isi­nen nátıje shyǵarǵan jas ká­sip­kerlerdiń talpynysy men tá­jirıbesin ónegeli mysal etip, dál osyndaı bıikke shyǵý bulardyń da qoldarynan keletinin aıtyp, jigerlendirýde. Jastar ara­syndaǵy tildesýler, olardyń jeke bıznespen aınalysqysy keletindikterin anyqtap otyr. Ná­tıjege jetý úshin, árıne, tá­jirıbe qalyptastyrý qajet. Osy oraıda tegin sheberlik sabaq­tary da uıymdastyrylýda.

«Adyrna» ulttyq etnogra­fııalyq birlestiginiń ókilderi jergilikti jumyspen qamtý jáne Jastar bastamalaryn damytý orta­lyqtarymen birlese otyryp, adyrna.kz saıtyna tir­kelý úshin arnaıy formalar ázirledi. En­di jastarmen tike­leı baılanys ornatyp, árqıly is-sharalar ótkizile bastamaq. Saıyp kelgende qolǵa alynǵan qyrýar jumystyń barlyǵy el jastarynyń eńsesi kó­terilip, ózin-ózi qamshylap, ózin-ózi da­­mytýǵa yqpal etedi dep kúti­lýde.

Qazaqtildi ortaǵa, aýyl jas­­­­­­taryna sharapaty tıetin jana­­shyr jobany jandandyrý úshin tasy órge domalap tur­­­­­ǵan kásipkerlermen kezde­sý­ler ótkizilmek. Mundaı túıin túıt­­­kilin sheshýge yqpal etetin pikiralmasýlar barysynda óz isin bastaǵysy keletin jastar ózderin tolǵandyryp júrgen san qyrly saýalǵa tolymdy jaýap alatyn bolady. Ári ju­myspen qamtý salasynyń qyz­metkerleri memleket tarapynan jasalyp jatqan qoldaý-kó­mektiń múm­kindigi týraly aıtyp bermek.

Kókshetaý