Býrabaıǵa barǵan 19 jastaǵy astanalyq «Týfelka» tóbesine kóterilip, 20 metrlik bıikten qulap tústi, dep habarlaıdy Egemen.kz.
«Nur-Sultan qalasynyń 2003 jylǵy turǵyny el arasynda «Týfelka» degen atpen belgili taýǵa shyǵyp bara jatyp, 20 metr bıiktikten qulap ketti», delingen TJD habarlamasynda.
Oqıǵa keshe saǵat 16:47-de bolǵan. Málimetter boıynsha, eńispen órmelep kele jatqan jas jigit taý etegine qulaǵan.
«Oqıǵa ornyna qutqarýshylar toby dereý shyqty. Olar zardap shekken adamdy zembilge tıedi. Ony tasymaldaýǵa aıaqtyń synýy men kóptegen jaraqattar kedergi boldy. Qutqarýshylar ony jedel járdem kóligine jetkizdi. Qazirgi ýaqytta jigit medısınalyq tekserýden ótip jatyr», dep túsindirdi TJD ókilderi.
Qutqarýshylar taýda qaýipsizdik sharalaryn saqtaý qajettigin eske saldy.
Aıana Toǵanbek