Qazaqstannyń 19 mal sharýashylyǵy ónimin óndirýshisi óz taýaryn О́zbekstanǵa eksporttaý quqyǵyna ıe boldy. Tıisti kelisimge Aýyl sharýashylyǵy mınıstri Erbol Qarashókeevtiń Tashkentke sapary barysynda qol jetkizildi, dep habarlaıdy Egemen.kz vedomstvo saıtyna silteme jasap.
«Buǵan deıin tizilimge 37 qazaqstandyq kásiporyn engizilgen bolatyn. О́zbek tarapyna Qazaqstannyń veterınarııa júıesine tolyq sholý jasaý qorytyndysy boıynsha veterınarlyq qyzmettiń kepildigimen taǵy 19 mal sharýashylyǵy ónimin óndirýshi eksporttaý quqyqyǵyna ıe boldy. Nátıjesinde, qazirgi О́zbekstannyń tiziliminde 56 qazaqstandyq kásiporyn bar», delingen vedomstvo aqparatynda.
Aıta ketsek, 4-6 shilde aralyǵynda О́zbekstan astanasynda Túrki agro-forýmy, Túrki memleketteri uıymy men Ekonomıkalyq yntymaqtastyq uıymyna múshe memleketterdiń Aýyl sharýashylyǵy mınıstrleriniń keńesi ótip jatyr.
QR Aýyl sharýashylyǵy mınıstri Erbol Qarashókeev О́zbekstannyń Aýyl sharýashylyǵy mınıstrliginiń ókilderimen kezdesti. Taraptar halyqaralyq kún tártibiniń mańyzdy aspektileri, onyń ishinde azyq-túlik qaýipsizdigi jáne gýmanıtarlyq daǵdarys máseleleri boıynsha pikir almasty. Condaı-aq, ózara tıimdi yntymaqtastyqty odan ári nyǵaıtý nıetterin pysyqtady.
Mınıstr atap etkendeı, Qazaqstan Túrki memleketteri uıymdary elderine otandyq ónimniń eksportyn ulǵaıtýǵa múddeli.
«Búgingi tańda Qazaqstanda TMU elderine aýyl sharýashylyǵy ónimderiniń eksporttyq jetkizilimin aıtarlyqtaı arttyrýǵa múmkindik bar. Sondaı-aq, biz tereń qaıta óńdeý taýarlaryn jetkizýdi ulǵaıtýǵa qyzyǵýshylyq tanytyp otyrmyz», dedi Erbol Qarashókeev.