Ulytaý oblysynda jantúrshigerlik jol-kólik apaty saldarynan úsh adam qaza tapty, dep habarlaıdy Egemen.kz.
Qaraǵandy oblystyq polısııa departamentiniń málimetinshe, qaıǵyly oqıǵa 6 shilde kúni saǵat 17.00-de Qaraǵandy-Jezqazǵan tasjolynda, Shet aýdany Aqoı aýylynan bes shaqyrym jerde bolǵan.
Aldyn ala málimet boıynsha, Qaraǵandydan kele jatqan Mercedes-Benz kóligi Chevrolet Cobalt kóligine soǵylǵan.
«Jol-kólik oqıǵasy saldarynan eki júrgizýshi men olardyń biriniń 54 jastaǵy áıeli kóz jumdy. Chevrolet Cobalt júrgizýshisiniń 44 jastaǵy áıeli men olardyń 18 jáne 7 jastaǵy balalary medısınalyq mekemege jetkizildi», delingen habarlamada.
Atalǵan derekke qatysty tıisti saraptamalar taǵaıyndaldy, onyń qorytyndysy boıynsha prosessýaldyq sheshim qabyldanady.