Saýl Alvares pen Gennadıı Golovkın arasyndaǵy úshinshi jekpe-jek 18 qyrkúıekte Nur-Sultan ýaqytymen tańǵy saǵat 9:00-de bastalady, dep habarlaıdy Egemen.kz.
WBA (Super), WBC, IBF jáne WBO sýper orta salmaqtaǵy belbeýleri báske tigiledi. Tikeleı translıasııa DAZN aqyly strımıng servısi arqyly kórsetiledi.
Jekpe-jektiń Qazaqstan aýmaǵynda kórsetilýi týraly ázirge aqparat joq.
Golovkınniń barlyq sońǵy jekpe-jekteri Qazaqstan jáne Qazsport telearnalarynda kórsetildi. Osy dástúr jalǵasyn tabýy ábden múmkin.
Bul - qazaqstandyq pen meksıkalyq arasyndaǵy úshinshi jekpe-jek bolmaq. Birinshisinde teń aıaqtalsa, ekinshisinde tóreshiler jeńisti «Kaneloǵa» bergen bolatyn.
Aıana Toǵanbek