Elorda ákimi Altaı Kólginov LRT jobasy ekonomıkalyq turǵyda esh paıda ákelmeıtinin aıtty, dep habarlaıdy Egemen.kz.
«Kóp aqsha jumsaldy jáne joba aıaqtalǵan joq. Ony bárimiz bilemiz, aıtyp ta júrmiz. О́kinishke qaraı, osyndaı problema bar. Iá, bul joba tabys ákelmeıdi. Bul - qosymsha sýbsıdııalanatyn qoǵamdyq kóliktiń túri. Biraq keleshekte ol kólik dálizimizdiń júktemesin tómendetedi. Adamdar ony paıdalana bastaǵan kezde áleýmettik jobaǵa aınalady. Iаǵnı, ony bıznes joba retinde qaraýǵa bolmaıdy. Tabys ákelmeıdi. Onyń tarıhyn, qandaı problemalar bolǵanyn, qansha qarajat jumsalǵanyn eskersek, sarapshylardyń pikirinshe, jobany sońyna deıin aıaqtap, qoǵamdyq kólik retinde qoldanysqa berý maqsatqa saı keledi. Ekonomıkalyq turǵydan paıda bolmaıdy. Al áleýmettik turǵydan qoǵamdyq kólik retinde paıdalanylady dep oılaımyz», dedi Altaı Kólginov.
Sonymen qatar qala basshysy LRT jobasyna qaryzǵa alynǵan qarajatty 5 jyldyń ishinde qaıtarý kerektigin atap ótti.
«Munyń ústine jobany aıaqtaý úshin qosymsha qarajat ta qajet. Biraq ol jobanyń bastapqy kezeńinde kózdelgen qarajattan az. 1 mlrd dollardyń jartysy kerek», dedi elorda ákimi.
Aıana Toǵanbek