Qaraǵandyda memlekettik shekaradan zańsyz ótken sheteldikter ustaldy, dep habarlaıdy Egemen.kz.
Qaraǵandy qalasynyń PB Ońtústik-Shyǵys polısııa bóliminiń ýchaskelik ınspektorlary aýmaqtyq páter aralaý jumystaryn júrgizdi. Kópqabatty úıdegi páterlerdiń birinde 27 jastaǵy er adam kúdik týǵyzǵan. Qujattaryn tekserý barysynda onyń О́zbekstan Respýblıkasynyń azamaty ekeni anyqtaldy. Degenmen onyń usynǵan tólqujaty kúmándi kórindi. Keıin er adamnyń tólqujaty jalǵan ekeni belgili boldy.
Aıta keteıik, atalǵan azamat 2019 jyly Qaraǵandyǵa kelip, kóshi-qon zańnamasyn buzǵan. Buǵan qosa, ol Qazaqstan aýmaǵynda júrip-turý merzimin buzdy. Qaraǵandy qalasynyń mamandandyrylǵan aýdanaralyq ákimshilik sotynyń sheshimimen elge birneshe jylǵa kirýge tyıym salynǵan.
О́zbekstanda bolǵan kezinde atalǵan jigit óziniń jeke málimetterin tolyǵymen ózgertken: tegin, atyn, ákesiniń atyn. Jańa tólqujat jasatyp alyp, Qazaqstanǵa qaıta oralǵan, alaıda onyń mundaı qıturqy amal-áreketi áshkere bolyp qaldy.
«Zańsyz - 2022» jedel aldyn alý is-sharasy barysynda qyzmetkerler Tájikstan Respýblıkasynyń 25 jastaǵy azamatyn anyqtady.
Sheteldiktiń tólqujatynda onyń Qazaqstan shekarasynan ótkeni týraly belgi bolmaǵan. Eki derek boıynsha QR QK 392-baby «memlekettik shekarany qasaqana zańsyz kesip ótý» boıynsha qylmystyq is qozǵaldy.
Tergeý amaldary júrgizilip jatyr.