«Roza Baǵlanova atyndaǵy «Qazaqkonsert» memlekettik konserttik uıymynda elorda turǵyndary men qonaqtaryn úshin merekelik gala-konsert ótedi. Is-shara 61-konserttik maýsymnyń jabylýyna arnalady, dep habarlaıdy Egemen.kz.
Konsert 12 shilde kúni saǵat 19:00-de «Qazaqstan» ortalyq konsert zalynda ótedi.
Bul keshte kórermender klassıkalyq jáne ulttyq mýzykanyń jaýharlaryna aınalǵan týyndylardy, zamanaýı ánderdi tyńdaı alady.
Konsertte Azamat Jeltyrgýzov, Medet Chotabaev, Bıbigúl Januzaq, Saltanat Ahmetova, Azat Malık, Aıgúl Elshibaeva, Nurbolat Arzamasuly, Ardaq Balajanova, Medet Salyqov, Klara Tólenbaeva, Erbolat Shaldybekov, Asqar Muqııat, Venera Tabys syndy tanymal ánshiler óner kórsetedi. Sondaı-aq óner súıer qaýym Qazaq memlekettik sımfonııalyq orkestri men «FORTE-TRIO» memlekettik trıosynyń oryndaýyndaǵy úzdik shedevrlerdi tyńdaı alady. Konserttiń dırıjerleri – Qalqaman Dúısembaev jáne Gýdnı Emılson (Germanııa).