Qorǵanys mınıstrligi Áskerı qyzmet ótkerý kezeńinde áskerı qyzmetshi nemese áskerı jıyndarǵa shaqyrylǵan áskerı mindetti qaza tapqan jaǵdaıda, oǵan múgedektik belgilengen kezde nemese ol áskerı qyzmet mindetterin oryndaýǵa baılanysty mertikken jaǵdaıda birjolǵy ótemaqy tóleý jónindegi nusqaýlyqtyń jobasyn ázirledi, dep habarlaıdy Egemen.kz atalǵan mınıstrliktiń baspasóz qyzmetine silteme jasap.
Normatıvtik quqyqtyq akt muragerler men áskerı qyzmetshilerdiń ózderi qujattardy qabyldaý, jınaqtaý jáne birjolǵy ótemaqy alý tártibin retteıdi. Onda jergilikti áskerı basqarý organdarynyń, sondaı-aq áskerı qyzmetshiler qyzmet ótkergen áskerı bólimder men bólimshelerdiń is-qımyl algorıtmi belgilengen.
Atalǵan nusqaýlyq QR Qorǵanys mınıstriniń buıryǵymen bekitiletin bolady. Qujat jobasynyń tolyq mátinimen «Elektrondyq úkimet» portalynyń «Ashyq NQA» bóliminde bıylǵy jylǵy 26 shildege deıin myna silteme arqyly tanysýǵa bolady: https://legalacts.egov.kz/npa/view?id=14149493