Túrkistanda sadaq atýdan erler men jastar arasyndaǵy Qazaqstan chempıonaty aıaqtaldy. Bul jarysta elimizdiń jeti óńirinen kelgen 200-den astam sportshy baq synady.
Jalpykomandalyq esepte Almaty oblysynyń ókilderi aldaryna jan salmady. Bul óńirdiń 19 óreni jeńis tuǵyryna kóterildi. Ekinshi oryndy Shymkent qalasynyń mergenderi ıelendi. Olar 13 júldege qol jetkizdi. Úshinshi satyǵa Batys Qazaqstan oblysynyń oǵlandary jaıǵasty. Jaıyq jaǵalaýynan kelgen ul-qyzdar 10 júldeni óz qorjyndaryna saldy. Jekelegen sportshylar jaıynda aıtar bolsaq, Qonaev qalasynan kelgen Ilfat Abýllın men oraldyq Alına Ilııasovany bóle-jara atap ótken jón. Sadaq atýdyń klassıkalyq túri boıynsha ótken básekede ekeýi de asqan sheberlik tanytyp, bas júldeni oljalady. Sol sekildi Býned Mırzametov (Túrkistan oblysy) pen Aıjan Seıdahmetovanyń (Almaty oblysy) óneri de kópshiliktiń kóńilinen shyqty. Jastar arasynda Jańbyrbaı Dáýletkeldi men Andreı Tıýtıýn ózderin jaqsy qyrlarynan kórsetip, mamandardyń nazaryna ilikti.
Túrkistandaǵy jarystyń qorytyndysy boıynsha ulttyq komanda jasaqtaldy.