QR Sıfrlyq damý, ınnovasııalar jáne aeroǵarysh ónerkásibi mınıstrliginiń Aeroǵarysh komıteti, «Qazaqstan Ǵarysh Sapary» Ulttyq kompanııasy aksıonerlik qoǵamy QR Ishki ister mınıstrligimen birlesip, «Qarasora» operasııasy sheńberinde ǵaryshtyq monıtorıng kómegimen esirtki planantasııasyn anyqtaý boıynsha jumystardy júrgizýde, dep habarlaıdy Egemen.kz mınıstrliktiń baspasóz qyzmetine silteme jasap.
Jabaıy ósetin qarasoranyń ósý alańdary jáne quramynda esirtki zattary kóp kannabısti ósirý olardyń zańsyz aınalymyn tek el ishinde ǵana emes, odan tys jerlerde de yntalandyrady.
Osyǵan baılanysty, SDIAО́M ǵaryshtyq monıtorıngtiń zamanaýı tehnologııalaryn qoldana otyryp, 2022-2023 jyldarǵa arnalǵan esirtki qylmysyna qarsy is-qımyl jáne nashaqorlyqtyń aldyn alý sharalaryn jetildirý boıynsha bastamashylyq jasalǵan Jol kartasyn iske asyrý úshin QR Ishki siter mınıstrligimen belsendi jumystardy júrgizýde.
«Quramynda esirtki bar ósimdikterdiń arealdaryn anyqtaýdyń tıimdi ádisteriniń biri - jerdi qashyqtyqtan zondtaý, ony qoldaný tájirıbesin «Qazaqstan Ǵarysh Sapary «UK» AQ mamandary zerdelep, kezeń-kezeńimen engizýde. 2022 jyly ǵaryshtyq monıtorıng nátıjesinde 686,000 sharshy shaqyrym aýmaq qamtylyp, onda kannabıs ósirýden zardap shekken ýchaskeler anyqtaldy. Ýchaskeler Túrkistan, Qaraǵandy, Aqtóbe, Jambyl jáne Qyzylorda oblystarynda ornalasqan», dep atap ótti QR SDIAО́M Aeroǵarysh komıtetiniń tóraǵasy Baýbek Oralmaǵambetov.
Aıta ketý kerek, 2019 jyly ǵaryshtyq monıtorıngtiń kómegimen Qyzylorda jáne Jambyl oblystarynda 123, 2020 jyly – 94, al 2021 jyly tek Qyzylorda oblysynyń aýmaǵynda – 77 esirtki egilgen alqaptar anyqtaldy.
Ǵaryshtyq monıtorıng derekterin verıfıkasııalaý «Qazaqstan Ǵarysh Sapary» UK» AQ jáne IIM-niń arnaıy bólimsheleri qyzmetkerleriniń esirtki plantasııalary anyqtalǵan jerlerge barýy arqyly júzege asyrylady.
Sondaı-aq quramynda esirtki bar ósimdikter arealdarynyń ornalasqan jeri týraly derekterdi usynýdyń jedeldigi men tıimdiligin qamtamasyz etý úshin otandyq KazEOSat-1 jáne KazEOSat-2 ǵarysh apparattarynan, sondaı-aq sheteldik jerserikterden alynǵan ǵaryshtyq túsirilimderin paıdalana otyryp, aqparatty jınaý, óńdeý, taldaý jáne túsindirý jónindegi is-sharalar kesheni júrgiziledi.
Bul másele Qazaqstan Respýblıkasy Úkimetiniń erekshe baqylaýynda.