Erekshe balalar el chempıonatynda baq synady

Samruk Kazyna Trust áleýmet­tik jobalardy damytý qorynyń qoldaýymen «Teń múmkindikter álemi» QQ birneshe jyldan beri búkil el boıynsha «Salamatty bolashaq» áleýmettik jobasyn iske asyryp keledi. Onyń aıasynda erekshe balalarǵa arnalǵan beıimdelgen sport seksııalary ashyldy.

Kez kelgen sporttaǵy sııaqty ja­rystar – jattyǵý prosesi­niń mańyzdy kezeńi. Sport fes­tıvaliniń maqsaty – múmkindigi shek­teýli balalar men jastardy tu­raqty fızıkalyq bel­sen­di­li­gine jáne sportpen shuǵyl­danýǵa yntalandyrýdy arttyrý jáne buqaralyq sport bóli­ginde erek­she adamdardyń máselelerine jurtshylyq pen bı­liktiń nazaryn aýdarý.

15 qaladan «Salamatty bolashaq» áleýmettik jobasy seksııa­larynyń tárbıelený­shileri – bochcha, golbol, beıimdel­gen shyǵys jekpe-jegi (karate, taekvondo, dzıýdo), beıimdelgen fýtbol, ınklıýzıvti horeogra­fııa, beıimdelgen júzý, beıim­delgen jeńil atletıka, fýtbol (7*7) sııaqty sport pánderine qatysý úshin múgedek balalar men jastar keldi.

Erekshe balalarmen qatar fes­tıval aıasynda júzý ja­rys­­taryna normotıptik bala­lar da qatysty. Eń kóp óńir­lik komanda Pavlodar ob­ly­synan keldi.

Sport túrleri boıynsha sport alańdarynyń ár­qaı­­sy­synda sportshylar dıagnoz boıynsha jikte­mege sáı­kes jáne «teń múmkin­dik­ter» qaǵı­daty boıynsha basqa óńir­lerden kelgen qarsylas­tarmen jarysty.

Festıvalmen qatar Qazaq­stannyń múmkindigi shekteýliler sporty tarıhynda tuńǵysh ret paralımpıadalyq sport túri boch­chadan Qazaqstan chempıonaty ótti. Oǵan tirek-qımyl appa­raty aýyr zaqym­dan­ǵan bala­lar men jas­tar qatysty. Chem­pıonatt­yń maq­saty – álemdik arena Para­lım­pıada oıyndaryna odan ári kóterilý úshin úzdik boch­chıs­terdi anyqtaý. Jalpy, sporttan joǵary jetis­tikter sporty­na deıin jetý múmkindigi shek­­teý­li barlyq sportshynyń armany.

Festıvalǵa 273 qatysýshy, al bochchadan el chempıonatyna 47 qatysýshy qatysty. Adaptıvti taekvondo boıynsha jalpykomandalyq esepte Nur-Sultan, adaptıvti karate bo­ıynsha – Nur-Sultan, adaptıvti dzıýdo boıynsha – Shym­kent, bochcha boıynsha – Aty­raý jáne Pavlodar oblysy, adap­tıvti júzý boıynsha – Qara­ǵan­dy jáne Aqtóbe, orta­lyq fý­tbol boıynsha – Almaty, adap­tıvti fýtbol jáne jeńil atle­tıka boıynsha Aqtóbe kósh bastady.

Adaptıvti karateden ekinshi oryn alǵan Jaqsybek Ilıastyń ákesi ulynyń jetistigine qýa­nyp, osyndaı jaǵdaı jasap otyr­ǵ­an azamattarǵa alǵysyn bil­dirdi. Onyń aıtýynsha, J.Ilıas «serebraldy sal aýrýy, oń jaq­ty gemıparez, ortasha dá­reje­si» dıagnozymen bala kezi­nen medısınalyq tirkeýde turady eken. Al adaptıvti karate seksııasyna qatysyp júrgenine 6 jyldan asypty. Osy sport arqasynda balanyń kognıtıvti, motorlyq jáne bulshyq et daǵdylaryn damytý úzdiksiz júrip jatyr eken.

«Uıańdaý ulym basqa balalarmen ońaı aralasatyn boldy, qatarlastarymen tez til tabysady. Onyń bári ulymmen joǵary bilikti mamandar jumys istegeniniń jemisi dep bilemin. Bul – bizdiń birinshi jarysymyz emes. Ulym osyǵan deıin Máskeýde ótken adaptıvti karate boıynsha, respýblıkalyq, qalalyq dárejede ótken jarystardan júldeli oryn alyp keledi. Árbir jarystan soń alǵan áseri erekshe jáne bir ornynda turmaı sporttyq daǵdylaryn damytý ústinde. Ár jarystan soń jańa belester­di baǵyndyrýǵa degen senimi men qulshynysy joǵarylap keledi», dedi júldegerdiń ákesi.