«Qarjy ortalyǵy» AQ ókilderi О́ńirlik kommýnıkasııalar qyzmetinde shaǵyn jáne bıznes sýbektilerin jataqhanalarǵa ınvestısııa salýdyń tıimdiligimen tanystyrdy. Brıfıng barysynda «Qarjy ortalyǵy» AQ ilgeriletý jáne syrtqy kommýnıkasııalar departamentiniń dırektory Aınur Saǵyndyqova almatylyqtarǵa aldaǵy 8 jylǵa memlekettik tapsyrysty iske asyrý úshin stýdentter jataqhanalaryn salý týraly usynys aıtty.
«Qazirgi tańda elimizde stýdenttik jataqhanalarda oryn tapshylyǵy baıqalady. Bul máseleni sheshý úshin shaǵyn jáne orta bıznes sýbektileriniń belsendi qatysýyn kózdeıtin memlekettik tapsyrys mehanızmi ázirlendi. Tapsyrysty kásipker óz qarajaty esebinen qolǵa alady. Memlekettik tapsyrysty ornalastyrýdyń basty sharty – stýdentter jataqhanasyn salý», dep atap ótti A.Saǵyndyqova.
Búginde respýblıka boıynsha stýdentter jataqhanalarynda jalpy oryn tapshylyǵy 84 129 bolsa, onyń 40 417-si – Almaty qalasynda. «Qarjy ortalyǵy» ókiliniń aıtýynsha, kez kelgen áleýmettik nysannyń qurylysy – tabysty, turaqty ǵana emes, bolashaǵy zor bıznes joba. Iаǵnı nysandy óz qarajatyna salǵan jobaǵa qatysýshy paıdalanýǵa berilgennen keıin árbir oryn úshin memleketten tólemaqy alady. Bir stýdentke shaqqandaǵy memlekettik tapsyrystyń jyldyq mólsheri: qurylysqa – 122 AEK, Almaty qalasy boıynsha – 144 AEK, qaıta qurý – 47 AEK, Nur-Sultan jáne Almaty qalasy boıynsha – 92 AEK. «Qarjy ortalyǵynyń» dereginshe, joba boıynsha 2019 jyly 9 166 oryndy 10 jataqhana, 2020 jyly 20 266 oryndyq 75 jataqhana jáne 2021 jyly 30 630 oryndy 124 jataqhana salynǵan. Almatyda 2018-2021 jyldar aralyǵynda 3 970 oryndy 19 stýdenttik jataqhana paıdalanýǵa berildi. Bıyl megapolıste 1 696 oryndyq úsh stýdenttik jataqhana qatarǵa qosylady.
«Qarjy ortalyǵy» AQ ilgeriletý jáne syrtqy kommýnıkasııalar bóliminiń sarapshysy Dıas Jambylov kásipkerlerge jataqhana ǵımarattaryn salý ǵana emes, qaıta jóndeý jumystarynyń da usynylyp otyrǵanyn jetkizdi.
«Eger kásipker qurylys salamyn dese, «Qarjy ortalyǵy» AQ-na jer teliminiń qujattaryn tapsyrýy kerek. Eger jataqhanada qaıta salýdy qajet etetin ǵımarat bolsa da osy talaptardy oryndap, aldyn ala kelisimshart jasalady. Nysan 24 aı ishinde paıdalanýǵa berilýi qajet. Qarjy resýrstary jetkiliksiz bolǵan jaǵdaıda, «Damý» qorynan jeńildikpen nesıe alý qarastyrylǵan. Jobanyń taǵy bar sharty 20 jyl ishinde jataqhanany basqa maqsatta paıdalanýǵa bolmaıdy. Al keıinnen nysandy kepilge, satýǵa, jalǵa berýge bolady. Jataqhana qurylysyna qatysty ózge de máselelerge toqtalǵan «Qarjy ortalyǵynyń» ókili «Investorlarmen talqylaý qorytyndysy boıynsha memlekettik tapsyrysty ornalastyrý mehanızmin qaıta qaraýdyń nusqasy ázirlengen», dep atap ótti. Naqty aıtqanda: tólem merzimin 8 jyldan 6 jylǵa deıin qysqartyp, 20 paıyzǵa deıin arttyrý kózdelgen. Eger búginde Almaty qalasynda 8 jylǵa tólem normasy 144 AEK bolsa, 6 jyl ishinde árbir jylǵa 230 AEK bolýy qajet. Stýdentterdiń aı saıynǵy turý aqysy memlekettik tapsyrys qunyna kirmeıdi. Onyń kólemin jataqhana ıesi retteıdi jáne belgili bir aımaqtaǵy turǵyn úı naryǵynyń jaǵdaılarymen anyqtalady. Sondaı-aq turǵyndar úshin (ashana, shashtaraz, sport zaly jáne t.b.) kommersııalyq nysandar qyzmetin usyna alady.
ALMATY