Memleket basshysynyń 14 shildedegi Qazaqstan Respýblıkasy Úkimetiniń keńeıtilgen otyrysynda bergen tapsyrmasyna sáıkes, Ekologııa, geologııa jáne tabıǵı resýrstar mınıstriniń tóraǵalyǵymen kıikterdiń popýlıasııasyn basqarýdyń jańa tásilderin qaraý máselesi boıynsha jıyn ótti. Oǵan ǵylymı uıym músheleri, múddeli memlekettik organdar, sondaı-aq ańshylardyń qoǵamdyq birlestikteri qaýymdastyqtary qatysty, dep habarlaıdy Egemen.kz.
Zoologııa ınstıtýty men Qazaqstannyń bıoalýantúrlilikti saqtaý qaýymdastyǵynyń ókilderi ár popýlıasııanyń ońtaıly sanyn anyqtaý, tıimdi monıtorıng jáne turaqty basqarý úshin Qazaqstandaǵy kıik popýlıasııasy arealyndaǵy ekojúıelerdi keshendi baǵalaý boıynsha tereń ǵylymı zertteýler júrgizý qajettiligi týraly usynys aıtty. Kıikti saqtaý turǵysynan, ony qorǵaı otyryp, oryndy paıdalaný kezinde kıik taralymynyń barynsha múmkin bolatyn mólsherin ustap turý neǵurlym oryndy bolady.
Mundaı popýlıasııany basqarý muqııat daıyndyqty qajet etedi. Atalǵan jumys bastalyp ketti jáne mınıstrlikpen, barlyq múddeli taraptardyń baqylaýymen, jurtshylyqty habardar ete otyryp júrgiziledi.
Sondaı-aq jıynda Serikqalı Brekeshev Aýyl sharýashylyǵy mınıstrligine jabaıy ańdarmen keltirilgen zııandy esepteý ádistemesin ázirleý jáne fermerlerge keltirilgen zalaldy óteý máselelerin qaraý qajet ekenin atap ótti.