Áıelder arasynda aralas jekpe-jekten UFC-de óner kórsetip júrgen Qazaqstannyń jalǵyz sportshysy Marııa Agapova óziniń kelesi kezdesýin 1 tamyzda ótkizedi.
AQSh-tyń Tehas qalasynda jerlesimiz Ońtústik Koreıanyń ókili Djı En Kımmen kúsh synasady. 25 jastaǵy Pavlodar oblysynyń týmasy 2015 jyldan beri sporttyń osy túrimen shuǵyldanady. Sol aralyqta 13 ret oktagonǵa shyǵyp, 10 ret basymdyq tanytty. Segiz qarsylasyn esinen tandyrdy. Úsh ret jeńildi. Osydan eki jyl buryn Agapova UFC-men kelisimshartqa otyrdy. Al Kımdi de myqtylar sanatynan dep aıta almaımyz. Aıqas alańyna 16 ret shyqqan ol 9 márte jeńiske jetip, bes ret utyldy. Taǵy eki jekpe-jekti teń aıaqtady.
Al ótken aptanyń aıaǵynda brazılııalyq Rafael Dos Anosty uryp jyqqan Ázerbaıjannyń týy astynda óner kórsetip júrgen Qazaqstannyń týmasy Rafael Fızıev jeńil salmaqtylardyń reıtınginde eki satyǵa joǵarylap, qazir jetinshi oryndy ıelenýde.