Búgin 2022 jylǵy 15 shildede Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııanyń qoldaýymen «Tomiris» aqparattyq-bilim berý baǵdarlamasy sheńberinde alǵashqy trenıng ótkizildi, dep habarlaıdy Egemen.kz.
Baǵdarlama áıelder men qyzdardyń basqarýshylyq áleýeti men saıası mádenıetin damytýǵa baǵyttalǵan.
Aqparat jáne qoǵamdyq damý vıse-mınıstri A.S. Danılov semınar qatysýshylaryn quttyqtady.
«Bizdiń basty basymdyǵymyz - barlyq qazaqstandyqtar úshin ádilettilik pen teńdikti qamtamasyz etý. Joba qalalar, sondaı-aq aýyldardaǵy tabysqa jetken qyzdar men áıelderdi qoldaýǵa jáne olardy qoǵamdyq jáne saıası ómirge tartýǵa múmkindik beredi», dedi ol óz sózinde.
Baǵdarlamanyń mindeti– belsendi áıelderdi naqty oqytýdy júzege asyrý maqsatynda ár óńir boıynsha óńirlik sarapshylar pýlyn qurý.
40-tan astam áıelder men qyzdar oqytylatyn búgingi trenıng taqyryby: «Qazaqstan azamattarynyń genderlik quqyqtary men bostandyqtaryn iske asyrý qoǵamnyń oń ózgerýiniń sharty retinde».
Oqytýdy «Qazaqstannyń teń quqyqtary men teń múmkindikteri ınstıtýty» qoǵamdyq qorynyń sarapshylary júrgizedi.
«Baǵdarlama aıasynda birqatar is-sharalar, onyń ishinde kóshbasshy áıelderdi oqytý jobasy josparlanýda. Biz konkýrstyq negizde barlyq óńirlerden 30 kórnekti áıel kóshbasshyny tańdap, olardy Nur-Sultan qalasynda ótetin oqytý baǵdarlamasyna jiberemiz. Oqytý saıası kóshbasshylyq daǵdylaryn, bilim men quzyrettilikti damytýǵa baǵyttalady, bul qatysýshylarǵa ártúrli deńgeıdegi basshy laýazymdarǵa taǵaıyndalýǵa nemese saılanýǵa kómektesedi. Jaqynda biz osy oqý baǵdarlamasyna ótinimder qabyldaýdyń bastalǵany týraly jarııalaımyz. Aldaǵy ýaqytta seriktesterimizben birge baǵdarlamanyń aýqymyn keńeıtip, jańa jobalar men quramdas bólikterin qosatyn bolamyz», dep atap ótti Saıası menedjment akademııasynyń dırektory Danııar Muqıtanov.
«Tomiris» baǵdarlamasy aıasynda elimizdiń barlyq óńirlerinen kelgen áıelder men qyzdardy oqytý is-sharalarymen jáne aqparattyq jumyspen qamtý josparlanýda. Onyń ishinde: genderlik stereotıpter jáne buqaralyq kommýnıkasııa arnalaryn qoldana otyryp, olardy eńserý joldary, genderlik sezimtal saıasatty qalyptastyrý, ekonomıka men ınnovasııalardy damytýdaǵy áıelderdiń róli taqyryptary tereńinen qozǵalady.
Aıta ketsek, «Tomiris» baǵdarlamasyn QR Aqparat jáne qoǵamdyq damý mınıstrligi men «AMANAT» partııasynyń Saıası menedjment akademııasy Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen, Konrad Adenaýer qorynyń jáne basqa seriktesterdiń qoldaýymen júzege asyrady.