Short-trekten Qazaqstan komandasynyń bapkerler shtabynda mańyzdy ózgeris boldy, dep habarlaıdy Egemen.kz Ulttyq Olımpıada komıtetine silteme jasap.
Quramanyń bas bapkeri qyzmetine Nurbergen Jumaǵazıev taǵaıyndaldy. Ol jaqynda ǵana zeınetke shyqqan Mádiǵalı Qarsybekovti almastyrdy. N.Jumaǵazıev Olımpıada oıyndarynyń qatysýshysy. Sondaı-aq ol Álem kýboginde, Azııa oıyndarynda jáne ózge de týrnırlerdi medal enshilegen.
Aıta keteıik, bıylǵy jeltoqsan aıynda Almatyda short-trekten álem kýbogynyń eki kezeńi ótedi. Atap aıtqanda, 9-11 jeltoqsanda jáne 16-18 jeltoqsanda álem kýbogynyń III jáne IV kezeńderi uıymdastyrylady. Almaty shahary álem kýbogy kezeńine qatysýshylardy 2018 jyly da qabyldaǵan bolatyn.