Qazaqstannyń Ulttyq qaýipsizdik komıteti 2022 jyldyń basynan beri elden 8 mln dollar zańsyz shyǵarylmaq bolǵanyn habarlady, dep jazady Egemen.kz.
Almaty avıasııalyq kólik prokýratýrasynyń úılestirýimen «Almaty» shekaralyq baqylaý basqarmasy jyl basynan bastap elden 8 mln dollardan astam qarjyny zańsyz shyǵarýdyń jolyn kesti.
Osyǵan baılanysty QR UQK Shekara qyzmetinde azamattarǵa QR Prezıdentiniń 2022 jylǵy 14 naýryzdaǵy №830 «Qazaqstan Respýblıkasynyń qarjylyq turaqtylyǵyn qamtamasyz etý jónindegi sharalar týraly» Jarlyǵynyń 1-tarmaǵynyń 1 tarmaqshasyna sáıkes 10 myń dollar balamasynan asatyn somada shetel valıýtasyn áketýge tyıym salynǵanyn eske saldy.