Shyǵys Qazaqstan oblysynda jylqylarǵa soǵylǵan kólik júrgizýshisi qaza tapty, dep habarlaıdy Egemen.kz.
Oblystyq polısııa departamentiniń málimetinshe, qaıǵyly oqıǵa 20 shildede saǵat 04.20 shamasynda Omby-Maıqapshaǵaı tasjolynyń 484/837 shaqyrymynda bolǵan.
«Jarma aýdanynda Toyota Crown kóliginiń júrgizýshisi rólge ıe bola almaı, úsh jylqyny qaǵyp ketken. Jol-kólik apaty saldarynan 21 jastaǵy júrgizýshi oqıǵa ornynda kóz jumdy. Tórt jolaýshy, onyń ishinde 2 áıel, er adam jáne bir jasar bala aýrýhanaǵa jetkizildi. Dárigerler er adamdy aýrýhanaǵa jatqyzdy, qalǵan zardap shekkenderge kómek kórsetilgennen keıin úılerine shyǵaryldy», delingen PD habarlamasynda.
Atalǵan derek boıynsha QR Qylmystyq kodeksiniń 345-babynyń 3-bóligi «Abaısyzda adam ólimine ákep soqqan kólik quraldaryn basqaratyn adamnyń jol qozǵalysy erejelerin buzýy» boıynsha sotqa deıingi tergeý bastaldy.
Qazirgi ýaqytta sotqa deıingi tergeý amaldary júrgizilýde, birqatar sot-medısınalyq saraptama taǵaıyndaldy, onyń qorytyndysy boıynsha prosessýaldyq sheshim qabyldanady.