Bul týraly Memleket basshysy Ortalyq Azııa memleketteri basshylarynyń IV Konsýltatıvtik kezdesýinde aıtty, dep habarlaıdy Egemen.kz.
«Biz óz tarapymyzdan seriktesterdi Shyǵys Azııa men Parsy shyǵanaǵy elderi arasyndaǵy eń qysqa jol – Qazaqstan-Túrkimenstan-Iran temirjolyn belsendirek paıdalanýǵa shaqyramyz.
Jaqynda Iranǵa saparym barysynda Qazaqstannan Túrkııaǵa Túrkimenstan men Iran aýmaǵy arqyly alǵashqy konteınerlik poıyz jiberildi», dedi Q.Toqaev.
Sondaı-aq Qazaqstan Prezıdenti bul logıstıkalyq sheshim bar bolǵany 12 kún ishinde 6000 shaqyrymnan astam jol júrýge múmkindik beretinin de atap ótti.
«Taıaý Shyǵys pen Eýropa elderiniń naryqtaryna shyǵýdy Qazaqstannyń Aqtaý jáne Quryq teńiz porttary qamtamasyz ete alady.
Túrkimenbashy portynyń ınfraqurylymyn sátti damytyp jatqan Túrkimenstannyń da osy ustanymda ekenine senimdimin», dedi Memleket basshysy