Ortalyq Azııa memleketteri basshylarynyń IV Konsýltatıvtik kezdesýinde Prezıdent Qasym-Jomart Toqaev qorshaǵan ortany qorǵaý jónindegi jobalyq ofısin qurýdy usyndy, dep habarlaıdy Egemen.kz.
«Qyrǵyzstannyń 2022 jyldy Halyqaralyq turaqty taý-ken damý jyly dep jarııalaý týraly bastamasyn quptaımyz. Sonymen qatar Tájikstannyń 2025 jyldy Halyqaralyq muzdyqtardy saqtaý jyly dep jarııalaý týraly usynysyn ýaqytyly dep sanaımyz. Kúsh-jigerimizdi biriktirgende ǵana Ortalyq Azııadaǵy klımattyń ózgerý saldaryn eńserýge bolady», dedi Qasym-Jomart Toqaev.
Osy oraıda ol birlesken is-qımyldardy úılestirý úshin Ortalyq Azııa elderiniń qorshaǵan ortany qorǵaý jáne óńirde klımattyń ózgerýi jónindegi kelisilgen saıasatty júrgizý jónindegi jobalyq ofısin qurýdy usyndy.