Ánııa Baıorazova «Jetinshi arnanyń» bas dırektory qyzmetine taǵaıyndaldy, dep habarlaıdy Egemen.kz.
Baıorazova Ánııa 2009 jyly Ál-Farabı atyndaǵy QazUÝ-dyń jýrnalıstıka fakýltetin támamdaǵan.
Onyń BAQ jáne televızııa óndirisi salasynda 15 jyldan astam tájirıbesi bar.
Eńbek jolyn ýnıversıtet qabyrǵasynda júrgende «31 arnadan» bastaǵan.
Aqparattyq – oıyn-saýyq jobalarynyń júrgizýshisi, ssenarıst ári redaktory boldy.
2010-2020 jyldar aralyǵynda jańalyqtar qyzmetinde tilshi, «Habar» telearnasynda dıktor, «Elarna» jáne «Almaty» telearnalarynda túrli telejobalardyń júrgizýshisi bolyp jumys istedi.
«Jas Otan» tóraǵasynyń keńesshisi qyzmetin atqardy.
«Biz Birgemiz» halyqtyq is-sharasyn sátti uıymdastyryp, PR jumystaryn júrgizdi.
2020 jyldan QR Prezıdenti janyndaǵy «Ortalyq kommýnıkasııalar qyzmeti» RMM-de jumys isteı júrip, óziniń shyǵarmashylyq qyzmetin otandyq telearnalarda jalǵastyrdy.
Qazir Almaty Management University-de MBA dárejesin alýda.