Eńbek jáne halyqty áleýmettik qorǵaý mınıstri Tamara Dúısenova Jambyl oblysyna jumys sapary barysynda úkimettik emes uıym ókilderimen, kópbalaly analarmen jáne zeınetkerlermen kezdesti, dep habarlaıdy Egemen.kz.
Mınıstr balaly otbasylardy jáne múgedektigi bar adamdardy áleýmettik qoldaý sharalary týraly aıtty.
Sóziniń basynda Tamara Dúısenova 2021 jyly memlekettik bıýdjetten tólenetin zeınetaqylar men áleýmettik járdemaqylarǵa shamamen 4 trıllıon teńge bólingenin atap ótti. Bul qarajat 5,6 mıllıon azamatqa tólendi. Mınıstr barlyq tólemderdiń jyl saıyn artatynyn aıtty.
Bıyl 1-shi qańtardan bastap bazalyq zeınetaqy men járdemaqy 5%-ǵa, yntymaqty zeınetaqy 7%-ǵa ındeksteldi. Al 1-shi sáýirden bastap ınnflıasııa dálizin qaıta qaraýǵa baılanysty barlyq zeınetaqy men járdemaqy taǵy 4%-ǵa kóbeıdi. Jambyl oblysynda 355,8 myń adam zeınetaqy men járdemaqy alady.
«Memleket balaly otbasylardy áleýmettik qoldaýǵa erekshe kóńil bóledi. Áleýmettik qoldaý bıýdjetten tólenetin járdemaqylardyń 5 túrin jáne Memlekettik áleýmettik saqtandyrý qorynan tólenetin tólemderdiń 2 túrin qamtıdy. Jambyl oblysy boıynsha 126 myńnan astam balaly otbasy járdemaqy men tólem túrlerin aldy. Tólemderdiń jalpy somasy 30,7 mıllıard teńgeni qurady», dedi mınıstr.
Budan bólek kezdesýde qazaqstandyqtardy laıyqty zeınetaqymen qamtý, múgedektigi bar adamdardyń ómir sapasyn jaqsartý máseleleri, Áleýmettik qyzmetter portalyn jetildirý, ázirlenip jatqan Áleýmettik kodekstegi qazaqstandyqtardy qoldaý sharalary talqylandy. Kezdesýge qatysýshylar ózderiniń suraqtaryna jaýap alyp, usynystaryn bildirdi.