Bul týraly DSM ınfeksııalyq aýrýlardy epıdemologııalyq baqylaý basqarmasynyń basshysy Roza Qojapova aıtty, dep habarlaıdy Egemen.kz.
«Belgili bir óńir matrısaǵa sáıkes «qyzyl» aımaqqa ótken jaǵdaıda qatań karantın engizý máselesi qarastyrylady. Búginde bir óńir – Nur-Sultan qalasy ǵana «sary» aımaqta tur. О́ńir «sary» aımaqta bolǵan kezde bızneske júkteme túsiretin qandaı da bir qatań shekteý is-sharasy kózdelmegen», dedi ol ortalyq kommýnıkasııalar qyzmetindegi baspasóz máslıhatynda BAQ ókilderiniń saýalyna oraı.
Sonymen qatar ol Ashyq júıesin engizý múmkindigine qatysty saýalǵa da jaýap berdi.
«О́ńir «qyzyl» aımaqqa ótken jaǵdaıda Ashyq júıesi jáne eki kezeńnen turatyn shekteý is-sharalary engizilýi múmkin. Biraq, bul is-sharalar «Atameken» ulttyq kásipkerler palatasymen talqylaý satysynda tur», dedi Roza Qojapova.
Basqarma basshysy búkil sheshim vedomstvoaralyq komıssııa qaraǵannan keıin ǵana qabyldanatynyn aıtty.