Tashkenttegi aýyr atletıkadan Azııa chempıonatynyń sońǵy jarys kúni 87 keliden astam qyzdar tuǵyrǵa shyqty, dep habarlaıdy Egemen.kz.
Aýyr atrletıka federasııasynan málim etkendeı, Qazaqstan ókili Aıjamal Sansyzbaeva árbir jattyǵýda jáne qossaıysta kúmis medal jeńip alyp, tuǵyrdyń ekinshi satysyna kóterildi.
24 shilde kúni aýyr atletıkadan jasóspirimder men jastar arasyndaǵy Azııa chempıonatynda qazaqstandyq sportshylar úsh medal jeńip alǵan edi. Jasóspirimder arasynda 102 kelide Nıkıta Abdrahmanov altyn medal aldy. Ol qossaıystyń nátıjesinde 354 (158-196) kelini baǵyndyrdy.
Sondaı-aq ol budan buryn 20 jasqa deıingiler arasynda kúmis júldeger atanǵan bolatyn.
Al 17 jasqa deıingi jasóspirimder arasynda Joltaı Sanjar (102 keli), 20 jasqa deıingi jastar arasynda Dınara Qypshaqbaı (81 keli) qola júldege qol jetkizdi.