Qaraǵandydaǵy kópqabatty úılerdiń aýlasynda eki jigittiń máıiti tabyldy. Kóp uzamastan polıseıler olardy óltirgen er adamdy ustady, dep habarlaıdy Egemen.kz.
Oblystyq polısııa departamentiniń málimetinshe, qylmystyq oqıǵa 26 shildede saǵat 1.30 shamasynda bolǵan.
«Qaraǵandyda kópqabatty úılerdiń biriniń aýlasynan eki er adamnyń máıiti tabyldy. Adam óltirdi degen kúdikpen irgeles turǵan turǵyn úıler mańynan 23 jastaǵy kúdikti ustaldy. Ol úı aýlasynda turǵanda janjal týyndap, sol kezde eki jigitti pyshaqtap tastaǵanyn moıyndady. Kúdiktiden qylmys qarýy tárkilendi», dedi polısııa departamenti bastyǵynyń orynbasary Ábil Ábildın.
Qazirgi kezde QR Qylmystyq kodeksiniń 99-babynyń 2-bóligi (kisi óltirý) boıynsha qylmystyq is qozǵaldy.
«Polısııa zardap shekkenderdiń kim ekenin anyqtady. Olar: 18 jáne 20 jastaǵy jas jigitter», dedi Ábildın.