Bul – bizge beımaǵlum bóten álem. Baqyt ta, tamasha da, múmkin sanasyn dúnıe torlaǵan erkindik te, kóńil izgilik izdegen ómir de sonda shyǵar. Ǵajaıyp bir aıly tún! Aı astyndaǵy aq ulpadaı qalqyǵan alakeýim tústik kókjıek, aıǵa shaǵylysqan tuńǵıyq kóktegi sırek juldyzdar. Múmkin kúnderdiń kúninde biz de sonda bolatyn shyǵarmyz. Kim biledi?!
Dúnıeni tánińmen sezinip, ǵalamat qyr túnin, týǵan jer, qara ormanyńdy túsińde kórgennen artyq ne bar?! Álemdi qushaǵyna qysyp turyp, qııaldaǵy oılaryńa qol sozǵyńyz keledi. Muny belgili sýretshi Tileýjan Batanovtan suraý qajet. Ataýsyz kartınaǵa taqyrypty ózińiz qoıasyz. Sebebi munda sizdiń de túsińiz bar.
Shyǵarmany úlken teńiz dep alyp qarańyzshy. Teńiz betinde qalqyǵan adamdardyń basy. Ýaqyt tolqynymen terbelgen bastardyń bet-júzi balbal tastarǵa uqsaıdy. Bir qaraǵanda oıyńyzǵa kelgen alǵashqy sózdi, kartına syılaǵan sezimdi jetkizý úshin qaǵaz jetkiliksiz sekildi. Bir qaraǵanda únsizdik qana janyńyzǵa járdemshi bolardaı. Bult arasynan syǵalaǵan kózderdi eske túsiredi.
Biz usynǵan kartınasynyń sıýjeti anyqtalmaǵan, óıtkeni ol joq. Syzyqtar, jıekter, pishinder qospasy – qanyq túster men reńktermen oınap, tynysh kóldiń betine kóterilgen tolqyndar sııaqty. Múmkin sizge basqasha kóriner. Taqyryp qoıardaı, tuńǵıyqtan atyp shyqqan bastardan aqyl izdeńiz. Áıtpese keńistikke jer de, aı da bóten.
Shyǵarma avtorynyń ıdeıasyna úńilińiz, kim biledi, múmkin siz buryn kórmegen múlde basqa nárseni kóre alarsyz. Bul – qupııa ǵalamshar, jumbaq dúnıe. Siz bul kenepke neǵurlym kóp úńilgen saıyn, soǵurlym buryn-sońdy keshpegen emosııalar quıynyna túsesiz. О́ıtkeni avtor úshin, shyn máninde, onyń jumysy týraly basqalardyń pikiri asa mańyzdy emes. Oqyrman týyndydan ózin tapsa boldy.