2022 jylǵy 1 maýsymdaǵy jaǵdaı boıynsha salymshylardyń zeınetaqy jınaqtary bir aıda 613,7 mlrd teńgege nemese 4,8%-ǵa ulǵaıyp, 13 384,5 mlrd teńgeni qurady, dep habarlaıdy Egemen.kz Ulttyq banktiń baspasóz qyzmetine silteme jasap.
«2022 jyldyń maýsym aıynda zeınetaqy aktıvterin ınvestısııalaýdan túsken taza tabys 505,4 mıllıard teńgege, 2022 jyldyń 1 shildesindegi jaǵdaı boıynsha 7 246,6 mıllıard teńgege deıin artty», delingen habarlamada.
Mindetti zeınetaqy jarnalary boıynsha salymshylardyń jeke zeınetaqy shottarynyń sany (zeınetaqy jınaqtary joq JZSh-ny eskere otyryp) 2022 jylǵy 1 shildedegi jaǵdaı boıynsha 10,9 mıllıon shotty qurady.
Maýsym aıynda zeınetaqy tólemderiniń somasy 36,7 mıllıard teńgeni qurady.
2022 jylǵy 1 shildedegi jaǵdaı boıynsha BJZQ jıyntyq ınvestısııalyq portfeliniń negizgi úlesin QR Memlekettik baǵaly qaǵazdary men QR emıtentteriniń memlekettik emes baǵaly qaǵazdary (zeınetaqy aktıvteriniń jalpy kóleminiń tıisinshe 42,6% jáne 21,4%) quraıdy.