Eksportqa baǵyttalǵan kásiporyn jyl saıyn 30 myń tonna reagentter men qospalar jasap shyǵarýǵa múmkindik beredi. Búgin Ábilqaıyr Sqaqov Pavlodar qalasynyń Arnaıy ekonomıkalyq aımaǵyna baryp, KTJ-i nysanynyń qurylysynyń barysymen tanysty, dep habarlaıdy Egemen.kz qala ákimdiginiń resmı saıtyna silteme jasap.
«Qazmunaıhım» JShS-iń jańa zaýyty Qazaqstanda munaı-hımııa ónimderin tolyq sıklmen óndiretin alǵashqy zaýyt. Onyń qýattylyǵy - jylyna 30 myń tonnaǵa reagent pen qospalardy quraıdy. Osylaısha, zaýyt elimizdiń munaı óndirýshi jáne munaı óńdeýshi kásiporyndaryn 60%-ǵa qamtamasyz etip, óz ónimin TMD, Eýropalyq Odaq, Taıaý Shyǵys jáne AQSh elderine jetkizedi.
«Zaýyt úsh kezeń boıynsha júzege asyrylady. Investısııalardyń jalpy kólemi - 2,5 mlrd teńge. Qazirgi kezdiń ózinde 30 turaqty jumys oryndary quryldy. Zaýyt dırektory A. Kenjebaevtyń aıtýynsha, 2022 jyldyń tórtinshi toqsanynda kúrdeli munaı-hımııa ónimderin jasaýǵa múmkindik beretin joǵary temperatýraly sıntez qondyrǵysynyń qurylysyn bastaý josparlanyp otyr», delingen habarlamada.
Oblys ákimi otandyq kásipkerler júzege asyrǵan jobanyń mańyzdylyǵyn atap ótti.
«Pavlodar oblysynda júzege asyrylyp jatqan tehnologııalyq úderis zamanaýı álemdik ekonomıkanyń jaǵdaıyndaǵy jyldam sheshim ári naryqtyń suranysyna jaýap beredi. Kásiporyn memleket, bıznes jáne ǵylymnyń ózara árekettestigin is júzinde kórsetip otyr. Bul osyndaı jobalardyń jıyntyǵyn júzege asyrý arqyly tereń zertteýler júrgizýge bolatynyn kórsetedi», dedi Ábilqaıyr Sqaqov.
«Pavlodar» AEA aýmaǵynda 18 kásiporyn jumys isteıdi. Qazir munda shyǵaryndylardy jáne shaıyndy sýlardy azaıtý úshin tazalaý qondyrǵylaryn qurý jumystary júrip jatyr.
Sondaı-aq aımaq basshysy osy jobany júzege asyrý barysymen tanysty. Qazirgi kezde bıologııalyq rezervýardy ornatý jumystary aıaqtalyp, negizgi korpýstyń ǵımaratynyń qurylysy júrip jatyr. Ábilqaıyr Sqaqov AEA-yń ınfraqurylymyn damytý jáne oǵan ary qaraı qyzmet kórsetý boıynsha birqatar tapsyrma berdi.