Qyzylorda oblysynda et ónimderiniń jartylaı fabrıkattarynan ishek taıaqshalary tobynyń bakterııasy anyqtaldy, dep habarlaıdy Egemen.kz.
Qyzylorda oblysynyń sanıtarııalyq-epıdemıologııalyq baqylaý departamenti mamandary ónimniń qaýipsizdigine monıtorıng jasaý maqsatynda birinshi jartyjyldyqta 1 111 synama iriktep aldy. Olardyń 72,3% -i taǵam ónimderi bolsa, qalǵany tamaq emes ónimder úlesine tıedi. Saraptama nátıjesi boıynsha ónimderdiń 86 úlgisi tehnıkalyq reglament talabyna saı emes ekeni anyqtaldy. Atap aıtqanda, 14-inde mıkrobıologııalyq, 6-ýynda fızıkalyq-hımııalyq, 60-ynda tańbalaný boıynsha kemshilikter bar.
«Et ónimderiniń jartylaı fabrıkattarynan ishek taıaqshasy tobynyń bakterııasy anyqtaldy. Fızıkalyq-hımııalyq kórsetkishter boıynsha sáıkessizdikter kilegeıli maı, ýltrapasterlengen sút óniminde anyqtaldy. Máselen, maı qyshqyldarynyń massalyq úlesiniń qosyndy paıyzy boıynsha tehnıkalyq reglamentter talabyna saı emes. Sondaı-aq sergitetin energetıkalyq sýsyn quramyndaǵy kofeın normadan tys ekendigi belgili boldy. Budan bólek, et ónimderiniń jartylaı fabrıkattaryndaǵy ylǵaldylyq kórsetkishteri de shamadan tys bolyp shyqty», dep málim etti departamentten.
Vedomstvo málimetinshe, tehnıkalyq reglament talabyna sáıkes kelmegen taǵam ónimderi satylymnan alyndy.