Konstıtýsııalyq komıssııa 117 myń usynys túskenin habarlady. Soǵan sáıkes endi depýtattar Konstıtýsııa jobasyn pysyqtaıdy, dep habarlaıdy Egemen.kz.
1 tamyzda saǵat 00:00-de О́zbekstan Konstıtýsııasyna túzetýlerdi búkilhalyqtyq talqylaý aıaqtaldy. Ol 25 maýsymnan bastap júrgizildi.
Aldymen talqylaýǵa 10 kún bólindi. Sodan keıin depýtattar taǵy 10 kún qosty. Keıinnen talqylaýdy taǵy 15 kúnge uzartý týraly sheshim qabyldandy.
Reforma jónindegi konstıtýsııalyq komıssııa habarlaǵandaı, zań shyǵarý palatasynyń jaýapty komıtetteri usynystardy qorytý jáne taldaý, sondaı-aq zań jobasyn pysyqtaý jumystaryn jalǵastyrady.
Bul prosestiń qanshalyqty ashyq bolatyny belgisiz. Komıssııa «túzetýlerdiń qaınar kózi - halyq» dep únemi aıtyp otyrǵanyna qaramastan, túzetýlerdiń bastapqy jobasyna engizilgen birqatar ózgeris ózbekstandyqtar úshin kútpegen jaǵdaı boldy. Zań jobasyn da, búkilhalyqtyq talqylaýdy uzartý boıynsha sheshimderdi de depýtattar biraýyzdan qabyldady.
Túzetýler jobasyn Konstıtýsııalyq komıssııa bir aı ishinde ázirledi. Komıssııa basshysy Akmal Saıdov sol kezde «konstıtýsııalyq reformalardy júrgizýdegi biregeı ózbek tájirıbesi» týraly málimdep, ony «ózbek noý-haýy» dep atady.
Eske sala ketsek, 1-2 shildede Qaraqalpaqstanda respýblıkanyń mártebesin ózgertý týraly usynylǵan túzetýlerden týyndaǵan tolqýlardan keıin Qaraqalpaqstanǵa qatysty baptar jobadan alynyp tastaldy.
Komıssııanyń málimetinshe, 30 shildedegi jaǵdaı boıynsha azamattar men uıymdardan túzetýler týraly zań jobasy boıynsha 117,3 myńnan astam usynys kelip túsken.