2025 jylǵa qaraı atyraýlyqtardyń tabysy 18, mańǵystaýlyqtardyń tabysy 22 paıyzǵa ósedi, dep habarlaıdy Egemen.kz.
«Atyraý jáne Mańǵystaý oblystarynyń 2021-2025 jyldarǵa arnalǵan keshendi josparlary ınvestısııalyq jobalardy iske asyrýǵa, jumys oryndaryn qurýǵa, turǵyn úı jáne ózge de ınfraqurylymdy, áleýmettik salany, sondaı-aq kásipkerlik qyzmetti damytýǵa baǵyttalǵan. Keshendi josparlarda Atyraý oblysynda 187 is-sharany jáne Mańǵystaý oblysynda 227 is-sharany iske asyrý kózdelgen. Keshendi josparlardy iske asyrý 2025 jylǵa qaraı jalpy óńirlik ónimdi Atyraý oblysy boıynsha – 8,9 trln teńgege deıin jáne Mańǵystaý oblysy boıynsha – 4,1 trln teńgege deıin ulǵaıtýdy, Atyraý oblysy boıynsha – 42 myń jáne Mańǵystaý oblysy boıynsha – 55 myń jumys orynyn qurýdy, Atyraý oblysy boıynsha – 3,5 mln-nan astam jáne Mańǵystaý oblysy boıynsha – 4 mln turǵyn úı sharshy metrin paıdalanýǵa berýdi, halyqtyń naqty tabysyn Atyraý oblysy boıynsha – 18 paıyzǵa jáne Mańǵystaý oblysy boıynsha – 22 paıyzǵa ósirýdi qamtamasyz etedi», dedi Úkimet basshysy.
Onyń dereginshe, keshendi josparlardy iske asyrý aıasynda 2021 jyly Atyraý oblysy boıynsha – 1 193 adam (turaqty – 186 adam, ýaqytsha – 1 007 adam) jáne Mańǵystaý oblysy boıynsha – 13 894 adam (turaqty – 3 891 adam, ýaqytsha – 10 003 adam) jumysqa ornalastyryldy.
«Osy jyldyń 6 aıynyń qorytyndysy boıynsha Atyraý oblysy boıynsha – 528 adam (turaqty – 112 adam, ýaqytsha – 416 adam) jáne Mańǵystaý oblysy boıynsha – 9 295 adam (turaqty – 977 adam, ýaqytsha – 8318 adam) jumysqa turdy. Keshendi josparlardy ýaqtyly oryndaý jáne iske asyrý Úkimettiń baqylaýynda», dedi Álıhan Smaıylov.