Bul týraly QR IIM Tergeý departamenti bastyǵynyń orynbasary Muhtar Qojaev Ortalyq kommýnıkasııalar qyzmetinde ótken brıfıngte aıtty, dep habarlaıdy Egemen.kz.
«Almatydaǵy, Taldyqorǵandaǵy jáne Tarazdaǵy jappaı tártipsizdik barysynda qyzmettik jáne azamattyq qarý urlanyp, bul azamattardyń qaýipsizdigine naqty qaýip tóndirdi. Búgingi tańda polıseıler 860 qarý-jaraq, onyń ishinde 475 - tabeldik jáne 379 - azamattyq qarýdy tárkiledi. Qazir sol kúnderi urlanǵan 2089 birlik qarýdyń ornalasqan jeri áli anyqtalmaǵan», deıdi Muhtar Qojaev.
Onyń aıtýynsha, olardyń kópshiligi qarý-jaraq dúkenderinen urlanǵan. Taǵy 159 birlik travmatıkalyq, gaz jáne sıgnaldyq tapanshalar retinde tirkelgen.
Sonymen qatar QR IIM Tergeý departamenti bastyǵynyń orynbasary atap ótkendeı, polısııa qosymsha 1936 qarýdy tárkiledi, olardyń kóbinen nómirler túsirilgen.
«Sondyqtan olardyń qańtar aıyndaǵy oqıǵalarǵa qatysy bar-joǵy anyqtalyp jatyr», dep qosty ol.