Densaýlyq saqtaý mınıstrliginiń baspasóz qyzmeti 2 adam koronavırýstan qaıtys bolǵanyn habarlady, dep jazady Egemen.kz.
Mınıstrlik usynǵan sońǵy derekterge sáıkes, el óńirlerinde koronavırýs ınfeksııasynyń belgileri bar pnevmonııanyń 33 jaǵdaıy anyqtaldy, ólim jaǵdaılary bolǵan joq.
Jalpy pandemııa bastalǵaly pnevmonııadan 5357 adam qaıtys boldy. Al koronavırýstan 2 adam kóz jumdy. Búginge deıin vırýstan 13 666 adam qaıtys boldy.
3 tamyzdyń tańynda taratylǵan aqparatqa súıensek, Qazaqstanda qazirgi ýaqytta koronavırýstan 27 747 adam (–27 498+ jáne 249 KVI-) emdelip jatyr. Olardyń ishinde 1 505 pasıent stasıonarda jatsa, 26 242 naýqas ambýlatorııalyq deńgeıde em qabyldaýda.
KVI+ (koronavırýs), KVI- (koronavırýs pnevmonııasy) shaldyqqandardyń arasynda:
32 adamnyń jaǵdaıy aýyr; 8 pasıenttiń jaǵdaıy óte aýyr; 3 naýqas ókpeni jasandy jeldetý apparatyna qosylǵan.